2023 жылы Қазақстан Республикасында өндірілген бензин көлемі, оның ішінде авиациялық бензин дизельдік отын өндіру көлемінен небәрі 1,6%-ға аз болып шықты. Салыстырмалы түрде бір жыл бұрынғы бензин дизельдік отыннан 9,1%-ға аз өндірілген, деп хабарлайды inbusiness.kz сайты energyprom.kz порталына сілтеме жасап.
Ішкі нарықтағы бензиннің барлық дерлік көлемі отандық мұнай өңдеу зауыттары есебінен қамтамасыз етілді. Мәселен, 2023 жылдың қаңтар-қараша айларында елімізде 4,8 миллион литр бензин, оның ішінде авиациялық бензин өндірілді. Импорт 5 есеге жуық азайып, небәрі 9,2 мың литрді құрады.
Сондай-ақ, өндірілген және импортталған мотор отынының барлық көлемі ішкі нарықта сатылды. Соның ішінде, 4,8 млн литр — 2022 жылғы қаңтармен салыстырғанда 7,2%-ға артық, ал жанар-жағармай секторындағы экспорт заңмен шектелген.
2023 жылдың қаңтар айындағы жағдай бойынша, отандық зауыттар ішкі нарыққа 4,9 млн литр дизельдік отын жеткізді (бір жыл бұрынғыдан 0,7%-ға аз), бұл сектордағы ресурстардың 92,9%-ын құрады. Қалған 7,1% сәйкесінше импорттан келді: 378,8 млн литр — бір жыл бұрынғыдан 2,5 есе көп. Нәтижесінде ішкі нарықтағы сату көлемі 2022 жылғы қаңтармен салыстырғанда 5,3 млн литрді құрады.
2023 жылғы желтоқсан айының соңында бензин бағасы бір айда небәрі 0,1%-ға қымбаттаса, дизельдік отын, керісінше, 0,5%-ға арзандады. Дегенмен, бір жыл ішіндегі бензин бағасы 13,7%-ға өссе, дизель отыны өз кезегінде 15,2%-ға қымбаттады.
Атап айтқанда, АИ-92 маркалы бензин бір жылда 12,8%-ға, АИ-95/96 — 18,7%-ға, АИ-98 — 20,1%-ға қымбаттады. Жазғы дизель отыны 21,2%-ға қымбаттаса, қысқы отын, керісінше, 11%-ға арзандады.
Сонымен қатар, 2023 жылғы желтоқсан айының қорытындысы бойынша, Қазақстан Республикасында АИ-92 маркалы бензиннің бір литрінің орташа құны 203 теңгені, АИ-95/96 — 254 теңгені, АИ-98 — 284 теңгені құрады. 2023 жылдың желтоқсанында жазғы дизель отынының литрі 291 теңге болды.
