Ғылым және жоғары білім министрі Саясат Нұрбек биыл жас ғалымдарға қанша пәтер берілетінін айтты, деп хабарлайды inbusiness.kz сайты.
"Жас ғалымдарды қолдау күшейтілді. 351 пәтер берілді. 290-ы кредиттік бағдарлама бойынша, 61-і – ақысыз. Ғылыми дәрежелер мен атақтар үшін қосымша төлемдер артты, халықаралық тағылымдамалар жалғасып жатыр. Жыл сайын 50 "Үздік ғылыми қызметкер" сыйлығы, ғылым саласындағы мемлекеттік сыйлықтар және 50 талантты жас ғалымға стипендия бөлінеді", - деді министр.
Қолданбалы зерттеулер саласында жұмыс істейтін ғалымдардың жалақысына арттыру коэффициенті енгізілді. Жыл сайын "Жас Ғалым" гранттық қаржыландыру конкурсы өткізіледі.
Саясат Нұрбек биыл жас ғалымдарға 140 пәтер берілетінін айтты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
