VNA ақпарат агенттігінің жазуынша, Вьетнам 2026 жылы Азиядағы ең танымал туристік бағыттардың біріне айналмақ, деп хабарлайды inbusiness.kz сайты.
Мемлекеттің көз тартар табиғи ландшафттары, бай мәдени мұрасы және қарқынды дамып келе жатқан заманауи қалаларының үйлесімі бұған әсер етпей қоймады.
– Куангнинь провинциясындағы әйгілі Халонг шығанағы мен Ниньбинь провинциясы Вьетнамның табиғи сұлулығын айшықтайды. Ал Хюэ қаласындағы тарихи орындар, Куангчи провинциясындағы Фонгня үңгірлері, Лаокай провинциясындағы Сапа таулары, сонымен қатар Анзянг провинциясындағы Фукуок аралы мен Хошимин қаласындағы Кондао аралдары мәдениетке, табиғатқа және демалысқа қызығатын туристерді өзіне тартып отыр, – деп жазды VNA.
Вьетнамнан мәдени мұраны, тамылжыған табиғатты, заманауи әрі әсем қалалық өмірді байқаған Vogue елді 2026 жылы шынайы, экологиялық таза әрі ұмытылмас әсер іздейтін саяхатшыларға арналған ең үздік бағыттардың қатарына қосып отыр.
