"Оқытушының жалақысы – 38%-ға, аға оқытушының айлығы – 75%-ға, доценттердің еңбекақысы – 88%-ға, профессордың бір айлық табысы – 163%-ға артты", – деп нақтылады баспасөз қызметі.
Белгілі болғандай, бұдан былай Қазақ ұлттық университетінің оқытушысы – 200, аға оқытушы – 280, доценті – 330, профессоры 500 мың теңге жалақы алады. Ал Scopus мәліметтер базасының журналдарында мақала жариялаған авторларға қомақты қаржылай сыйақы төленеді. Бұған қоса республикалық беделді ғылыми танымдық газет-журналдарда мақаласы жарық көрген оқытушыларға жылына 2 рет бонус беріледі.
"Еңбекақыны өсіру бәсекелестікті арттырып, университетке мықты мамандардың келуіне жол ашады. Сол себепті ҚазҰУ-да жалақының артуымен қатар оқытушы-профессорлар құрамының кәсіби біліктілігін көтеру, талантты жастарға қолдау көрсету жұмыстары жолға қойылып жатыр. Оқытушылық қызметке конкурстық негізде ең білікті әрі білімді мамандар іріктеліп алынады", – деп түсіндірді баспасөз қызметі.
Айта кетейік, биыл Scopus деректер базасының халықаралық рейтингтік басылымдарында мақала жариялаған 234 ғалым 74,8 млн теңге көлеміндегі
сыйақыға ие болды.
Қанат Махамбет
