24 ақпаннан бері Украина астанасы Киев қаласында 208 тұрғын үй мен 46 мектеп қирап қалды, деп хабарлайды inbusiness.kz қала әкімшілігіне сілтеме жасап.
Сондай-ақ 29 балабақша, бір жетімдер үйі, 13 әкімшілік ғимарат, екі спорт нысаны, денсаулық сақтау саласының 17, мәдениет саласы 10, көлік инфрақұрылымы 48 ғимаратына залал келтірілді.
БҰҰ дерегі бойынша, қақтығыс басталғалы Украинаның 7 миллионнан астам азаматы үйлерін тастап кетуге мәжбүр болды. Олардың басым бөлігі – басқа елдерге бас сауғалап қашқандар.
Еске сала кетсек, 24 ақпанда Ресей Президенті Владимир Путин Украинаны "денацификациялау" және "демилитаризациялау" үшін " әскери операция" бастағанын жариялады. БҰҰ-ға мүше елдердің басым бөлігі бұл қадамды Ресейдің басқыншылығы деп атап, Украинадан әскерді шығаруын талап еткен болатын.
Табиғат Нұрболат
