/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
25 сәуірде Асқар Мамин мен Дмитрий Медведевтің кездесуі өтеді

25 сәуірде Асқар Мамин мен Дмитрий Медведевтің кездесуі өтеді

ҚР және РФ үкіметтерінің басшыларының кездесуі шағын және кеңейтілген құрамдарда өтеді.

23 Сәуір 2019 18:19 245

25 сәуірде Асқар Мамин мен Дмитрий Медведевтің кездесуі өтеді

25 сәуірде Мәскеуде ҚР Премьер-министрі Асқар Мамин мен РФ үкіметінің төрағасы Дмитрий Медведевтің кездесуі өтеді, деп хабарлайды primeminister.kz.

Тараптар кездесу барысында сауда-экономикалық, транзиттік-көлік, отын-энергетика, ғарыш салаларындағы ынтымақтастықты одан әрі нығайту және кеңейту мәселелерін талқылайды. Аймақаралық және шекара маңы ынтымақтастығын дамыту келешегін қарау көзделген.

ҚР және РФ үкіметтерінің басшыларының кездесуі шағын және кеңейтілген құрамдарда өтеді.

inbusiness.kz-ті қараңыз, оқыңыз :

Қасым-Жомарт Тоқаев Дмитрий Медведевпен кездесті

Қасым-Жомарт Тоқаевқа Ресей Президенті Владимир Путиннің жүрекжарды сәлемін жеткізді.  

06 Наурыз 2020 17:54 148

Қасым-Жомарт Тоқаев Дмитрий Медведевпен кездесті

Қазақстан Президенті Ресей Федерациясының Қауіпсіздік кеңесі төрағасының орынбасары Дмитрий Медведевпен кездесті, деп хабарлайды Ақорданың баспасөз қызметі.

Қасым-Жомарт Тоқаев пен Дмитрий Медведев екі мемлекет арасындағы жан-жақты стратегиялық серіктестіктің қазіргі ахуалы мен перспективаларын қарастырды. Кездесу барысында халықаралық және өңірлік қауіпсіздікті қамтамасыз ету мәселелеріне баса мән берілді.

Қасым-Жомарт Тоқаев Дмитрий Медведевті жоғары лауазымға тағайындалуымен құттықтады.

«Сіздің мемлекеттік қызметтегі бай тәжірибеңіз Ресейдің мемлекеттілігін нығайту ісіне, әсіресе қазір, елдеріңіз өз дамуының жаңа кезеңіне қадам басқан кезде зор үлес қосатыны сөзсіз. Конституциялық реформалардың орны ерекше. Біз оны мұқият зерттеп жатырмыз. Әрине, біз одақтас әрі стратегиялық серіктес болғандықтан, Қазақстан оған айрықша қызығушылық танытады», – деді Президент.

Дмитрий Медведев өзінің жаңа лауазымда елімізге жасаған сапарының символдық мәні бар екенін айтты.

«Мен мұнан достығымыздың, одақтастығымыздың символын көріп отырмын. Менің соңғы жылдары атқарған қызметтерімдегі мемлекеттік сапарларым, ең алдымен, Сіздің еліңізге жасалды. Бұл бір-бірімізді жақсы түсінуге, стратегиялық серіктестігіміз бен одақтастық қатынастарымызды нығайтуға мүмкіндік береді деп ойлаймын», – деді Ресейдің Қауіпсіздік кеңесі төрағасының орынбасары.

Дмитрий Медведев Қазақстан мен Ресей арасындағы ынтымақтастық туралы айта келе, оның мейлінше маңызды даму кезеңінде тұрғанын атап өтті.

«Сіз Ресейде жүзеге асырылып жатқан конституциялық реформаларға назар аудардыңыз. Біз де Қазақстандағы үдерістерді мұқият бақылап отырмыз. Достас, серіктес саналғандықтан басқаша болуы мүмкін емес. Біз бір-біріміздің дамуымызға көмектесіп қана қоймай, сондай-ақ, белгілі бір деңгейде өткен кезеңнен, дамуымыздың кейбір сәттерінен сабақ алуымыз керек. Ресейдің Қауіпсіздік кеңесі төрағасының орынбасары ретінде менің кездесулерімнің бұған септігі тиюі үшін тырысамын», – деді Дмитрий Медведев.

Сонымен қатар тараптар өңірлік және халықаралық күн тәртібіндегі өзекті мәселелер жөнінде, соның ішінде коронавирус індетінің таралуына қарсы күресу үшін қабылданып жатқан шаралар туралы пікір алмасты.

Путин Дмитрий Медведевті жаңа қызметке тағайындады

Кеше ол В.Путиннің жолдауынан кейін отставкаға кететінін жариялаған болатын.    

16 Қаңтар 2020 20:18 180

Путин Дмитрий Медведевті жаңа қызметке тағайындады

Ресей Президенті Владимир Путинтің Жарлығымен Дмитрий Медведев РФ Қауіпсіздік кеңесі төрағасының орынбасары қызметіне тағайындалды, деп хабарлайды ТАСС.

Бұған дейін Владимир Путин РФ Қауіпсіздік кеңесі төрағасының орынбасары жаңа лауазымын енгізіп, оған Министрлер кабинетінің бұрынғы басшысы Дмитрий Медведевті тағайындауды ұсынған еді.

Жаңалықтарға жазылу: