26 қаңтардан бастап еліміздегі бірнеше бағыттағы республикалық жолдар ақылы болады. Атап айтсақ, Алматы – Қапшағай, Астана – Теміртау, Алматы – Қорғас тас жолдары. Ақпаратты "Қазавтожол" ҰК өкілдері таратты.
Ақысын алдын ала картамен аударған жағдайда, жарты құны ғана алынады. Нақтыласақ, жеңіл көліктерге Астана – Теміртау бағыты бойынша алдын ала төлем жүргізу – 200 теңге, қолма қол ақшамен – 400 теңге. Алматы – Қапшағай жолында, картамен алдын ала төлем 100 теңге болса, қолма қол 200 теңгені құрап отыр. Ал Алматы – Қорғас тасжолындағы ақы 300 теңгеден 600 теңгеге дейін.
Жүк көлігіне, автобустарға арналған прайс компания сайтында көрсетілген. Ал, қала маңы қоғамдық көліктері, жедел-жәрдем, полиция қызметкерлері, өрт сөндіру мекемесінің көліктері тегін жүреді.
