2018 жылғы 29 желтоқсаннан бастап БАӘ-нің Fly Dubai әуе компаниясы Шымкент - Дубай бағытында жаңа рейсін ашуды жоспарлап отыр, деп хабарлайды ИДМ баспасөз қызметі.
Ұшақтың ашылуы Қазақстан мен БАӘ арасындағы сауда-экономикалық байланыстарды нығайтуға, сондай-ақ биылғы жылы республикалық маңызы бар қала атанған Шымкенттің әлеуетін дамытуға ықпал етеді.
Шымкент - Дубаи - Шымкент бағытындағы рейстер аптасына екі рет: сейсенбі және сенбі күндері Boeing 737 ұшағында орындалатын болады.
Сонымен қатар, жолаушыларға ыңғайлы болу үшін және туристік маусым мен мереке алдындағы кезеңде сұранысты қанағаттандыру үшін Fly Dubai әуе компаниясы 2019 жылдың көктемінен бастап Астана - Дубаи - Астана бағыты бойынша аптасына орындалатын рейстер жиілігін 4-тен 5 рейске дейін көбейтуді жоспарлап отыр.
