Нұр-Сұлтан қаласы Кәсіпкерлер палатасының директоры Алмат Жүнісовтың айтуынша, 31 компанияның 12-сі қызмет көрсету саласында жұмыс істейді. Олар "Қызмет көрсететін үздік кәсіпорын" номинациясында бағын сынайды.
"Өндірістік мақсаттағы үздік кәсіпорын" және "Халық үшін тауар өндіретін үздік кәсіпорын" номинацияларына қатысуға 9 өтінім, "Азық-түлік тауарлары немесе ауыл шаруашылығы өнімдерін шығаратын үздік кәсіпорын" номинациясында 1 өтінім түсті. Елордада байқауға қатысуға деген қызығушылық жоғары", - деді Алмат Жүнісов.
Байқауға қатысуға өтінім бергендер арасында фармацевтикалық және медициналық, ет өндіретін, тоқыма өнімдері, бекіту-пломбалау құрылғылары, бақылау-индикатор пломбалары, телекоммуникациялық жабдықтар, "ақылды" су есептегіш құралдары, электр энергиясы, газ, люкті ашу датчиктері, макарон өнімдерін компаниялар да бар.
Сараптама тобы өтінімдерді 1-15 тамыз аралығында қарайды.
Конкурс лауреаттарын марапаттау рәсімі Қазақстан Президентінің қатысуымен өтеді.
Байқауды "Атамекен" ұлттық кәсіпкерлер палатасы ұйымдастырады.
Айта кетейік, биыл карантин шектеулеріне байланысты "Қазақстанның үздік тауары" байқауы өтпейді.
