"Жекелеген учаскелер мен адамдар көп жиналатын орындардың криминогенділігін ескере отырып, полицияның тәулік бойғы модульдік бекеттерін оңтайлы орналастыру орындарын кеңейту және айқындау, сондай-ақ "икемді" патрульдеуді енгізу іс-шарасы іске асырылуда. "Икемді" патрульдеу қағидаты құқық бұзушылықтың тиімді профилактикасын және көшелерді, саябақтарды, скверлерді, аулаларды сондай-ақ басқа да қоғамдық орындарды патрульдік нарядпен қамтуға мүмкіндік береді", – деді Ерлан Тұрғымбаев.
Министрдің мәлімдеуінше, күн сайын 13,5 мыңға жуық полиция қызметкері мен Ұлттық ұланның әскери қызметшілері құқықтық тәртіпті қамтамасыз етеді. Жаяу патрульдеуге шамамен 9 мың ішкі істер органдары қызметкерлері мен Ұлттық ұланның әскери қызметшілері, автопатрульдеуге шамамен 4 мың ішкі істер органдарының қызметкері жұмылдырылады.
"2021-2025 жылдар аралығында 390 учаскелік полиция пунктінің және176 модульдік стационарлық бекеттің құрылысы жоспарланып отыр. Жаңа тұрғын үй кешендерінде учаскелік полиция пункттерін салу мәселесі де қарастырылуда", – деді Ерлан Тұрғымбаев.
Қанат Махамбет
