1 сәуірдегі жағдай бойынша 4 575 этникалық қазақ қандас мәртебесін алды, деп жазады inbusiness.kz Еңбек және халықты әлеуметтік қорғау министрлігіне сілтеме жасап.
Жыл басынан елімізге келген қандастардың жартысы (52,4%) Өзбекстаннан келген. Тағы 19,3%-ы Қытайдан, 6,3%-ы Түрікменстаннан, 5,3%-ы Моңғолиядан, 13%-ы Ресейден және 3,7%-ы басқа елдерден оралған.
"Келген этникалық қазақтар негізінен Алматы (27,9%), Маңғыстау (13,9%), Түркістан (6,8%) және Жамбыл (5%) облыстарына, сондай-ақ Алматы (9,0%), Астана (11%) және Шымкент (6,5%) қалаларына қоныстанды", - делінген хабарламада.
Ақпаратқа сәйкес, этникалық қоныс аударушылар санының 69,1%-ы еңбекке қабілетті жаста.
Оның ішінде білім деңгейі бойынша 18,5%-ы жоғары білімді, 39,9%-ы орта кәсіби білімді, 36,7%-ы жалпы орта білімді, 4,8%-ының білімі жоқ.
