Әсет Ерғалиевтің айтуынша, құрылыс саласы жоғары қарқынды өсімді көрсетіп жатыр, деп хабарлайды inbusiness.kz.
"Атқарылған құрылыс жұмыстарының көлемі 11,3%-ға ұлғайды. Батыс Қазақстан облысын қоспағанда, барлық өңірде оң көрсеткіш тіркелді. Құрылыс-монтаждау жұмыстарының жақсы өсімі Түркістан, Қызылорда және Қостанай облыстарында және Алматы қаласында байқалды", – деді министр.
Әсет Ерғалиевтің сөзінше, тұрғын үй құрылысы белсенді жүріп жатыр.
Қаңтар-сәуір аралығында 4,6 млн шаршы метр тұрғын үй пайдалануға берілді.
"Бұл өткен жылдың сәйкес кезеңімен салыстырғанда 12,5%-ға жоғары. Ең жоғары көрсеткіш Шымкент қаласында, Атырау және Павлодар облыстарында тіркелді", – деді ұлттық экономика министрі.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
