Ақша жымқырғаны үшін іздеуде болған "Самсунг Электроникс" ЖШС бұрынғы қызметкері АҚШ-тан Қазақстанға депортацияланды, деп хабарлады today.kz.
"Қазақстанның бас прокуратурасы мен АҚШ-тың құзырлы органдарының арасындағы серіктестіктің арқасында алаяқтықпен 4 миллион доллар жымқырғаны үшін іздеуде болған "Самсунг Электроникс" ЖШС бұрынғы қызметкері Наурызбаевтың Қазақстанға оралуы мүмкін болды. Ол бүгін Қазақстанға берілді ", - делінген бейсенбі күні таратылған хабарламада.
Ақпаратта Наурызбаевқа АҚШ-та иммиграциялық мәртебе беру туралы өтініш қанағаттандырылмай, Қазақстанға депортацияланғаны, құқық қорғау органдарымен қамауға алынғаны айтылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
