"Бұл міндет "Қуатты өңірлер – ел дамуының драйвері" ұлттық жобасы шеңберінде іске асырылады", – деді министр.
Бейбіт Атамқұловтың айтуынша, өткен жылы елдегі сумен жабдықтау қызметіне қолжетімділік 94,1%-ды құрады. Оның ішінде: ауылдарда – 90,1%, қалаларда – 97,5 %.
"Жыл соңына дейін бұл көрсеткіш ауылдарда – 91,8%, қалаларда – 98%-ға жетуге тиіс. Қазір өңірлерде таза суға қолжетімділік әртүрлі деңгейде. Ауыз сумен қамту деңгейі 3 өңірде: Атырау, Алматы, Қызылорда облыстарында жоғары. Жекелеген өңірлерде артта қалу байқалады. Ауыл халқын ауыз сумен қамту деңгейі 4 өңірде төмен. Олар: Қостанай, Шығыс Қазақстан, Солтүстік Қазақстан және Жамбыл облыстары", – деді министр.
Бейбіт Атамқұловтың сөзінше, сумен қамтамасыз ету деңгейін арттыру үшін көрсеткіштері төмен өңірлерге басымдық беріліп, қаржы қарастырылады.
Қанат Махамбет
