Ұлттық экономика министрі Руслан Дәленов елде 44 трлн теңгені құрайтын 2 мың инвестициялық жобалар пулы бар екенін мәлім етті.
"Инвестиция – экономиканың өсуі мен халықтың әл-ауқатын жақсартудың алғышарты. Бізде 2025 жылға дейін ЖІӨ-ге шаққанда 30% деңгейінде негізгі капиталды инвестициямен қамтамасыз ету жөнінде стратегиялық тапсырма бар. Қосылған құн тұтастығын қалыптастырудағы жаңа бағыт – инвестормен тікелей жұмыс істеу арқылы инвестиция тартылады. "Астана" халықаралық қаржы орталығының әлеуетін белсенді пайдаланып, жергілікті және отандық инвесторларлармен жұмыс жүргізіледі. 2020-2024 жылдарға арналған инвестициялық жобалар пулы қалыптасты. Пул 44 трлн теңгені құрайтын нақты 2 мың инвестициялық жобадан тұрады. Министрлік мақсатты көрсеткіштердің орындалуын тұақты бақылап отырады", – деді экономика министрі.
Нұржан Көшкін
