Осы жылдың қазан айында еліміздегі күнкөріс минимумының мөлшері 32,2 мың теңге болды. Бұл өткен жылғы көрсеткішпен салыстырғанда, 12,4%-ға артық. Ал биыл азық-түлік және қызмет көрсету бағасы 5,5%-ға өскен, деп хабарлайды Finprom.kz.
13 жасқа дейінгі балалар үшін күнкөріс минимумы - 28,1 мың теңге, 18 жастан асқан ер адамдардыкі – 37,8 мың теңге, ал 18 жастан асқан әйелдердікі – 30 мың теңге болса, зейнеткерлердікі – 29,8 мың теңге.
Нұр-Сұлтан қаласындағы күнкөріс минимумы - 37,2 мың теңге, ал Алматыда - 35,5 мың теңге. Бұл қалалар осы көрсеткіш бойынша Маңғыстау облысынан кейін екінші және үшінші орындарда.
Ал одан кейінгі орындарда Алматы және Атырау облыстары. Бұндағы күнкөріс минимумы - 32,3 мың теңге және 32,3 мың теңге.
Ең төменгі көрсеткіштер Павлодар (28,3 мың теңге), Батыс Қазақстан (28,9 мың теңге) және Қызылорда облыстарында (29,4 мың теңге).
Күнкөріс минимумының 17,8 мың теңгесі азық-түліктің, ал 14,5 мың теңгесі азық-түліктік емес тауарлар мен көрсетілетін қызметтердің үлесіне тиесілі.
Табиғат Нұрболат
