"Мемлекет басшысының пайдаланылмай жатқан және заңнаманы бұза отырып берілген кемінде 5 млн гектар жерді 2022 жылдың соңына дейін қайтару жөніндегі тапсырмасы мерзімінен бұрын орындалды. Өткен жылмен салыстырғанда тексерулер саны 9 есеге, ал тексерумен қамтылған аумақ 21 есеге артты. Тексерулер жер пайдаланушыларға жерді игеруді жандандыруға түрткі болды. Олар қазірдің өзінде шамамен 1,8 млн гектар жерді игеруді бастады, бұл өткен жылмен салыстырғанда 6 есеге артық", - деді ол.
Бұдан басқа халық малын жаю үшін жайылым тапшылығы проблемасын шешу мақсатында бірқатар шаралар қабылданып жатқанын жеткізді.
"Ең алдымен ауылдық елдімекендердің шекаралары мемлекетке қайтарылған жайылымдық алқаптар мен жерлер, сондай-ақ мемлекет мұқтажы үшін алынған жерлер есебінен кеңейтіледі. Ауыл шаруашылығы құралымдарымен олардың жайылымдарын жеке қосалқы шаруашылықтардың уақытша пайдалануы туралы меморандумдар жасалады. Жайылымдарды басқару жөніндегі іс-шаралар шеңберінде оларға босалқы жерлерден жайылымдық алқаптар бере отырып, жеке қосалқы шаруашылықтардың кооперациясы бойынша жұмыс жүргізіледі", - деді Әбілхайыр Тамабек.
