Алматыда жол қозғалысы және көлік құралдарын пайдалану ережелерін бұзғаны үшін 1500 мопед айыптұраққа қойылды, деп хабарлайды inbusiness.kz сайты Polisia.kz порталына сілтеме жасап.
"Біз "Қауіпсіз жол" жедел-алдын алу іс-шарасының екінші кезеңі аясында жүйелі профилактикалық жұмыстарды жалғастырып жатырмыз. Негізгі назар мопед жүргізушілеріне аударылған, себебі олар көбіне қарапайым жол ережелерін елемейді. Бұзушылықтар патруль кезінде, стационарлық бекеттерде және бейнебақылау көмегімен тіркеледі", – деді басқарма басшысы Серік Шұмаев.
Айыптұраққа қойылған мопедтердің көбісі жүргізуші куәлігі мен мемлекеттік нөмірсіз басқарылған, сондай-ақ қауіпсіздік талаптарын бұзған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
