Ақтаулық шебер Нұржан Мұсаев ата кәсіпті дәріптеп жүр. Он саусағынан өнер тамған ісмердің қолынан шыққан домбыраға батыс өңірлері күйшілерінің ықыласы ерекше. Нұрмұқан Жантөрин атындағы облыстық музыкалық драма театрының белді әртісі 500-ден аса ұлттық аспапты жасаған, деп хабарлайды 24.kz.
Қос ішекті домбыраның табиғи қалпын сақтап, шабытпен жасайтын еңбегі ескерусіз қалып жатқан жоқ. Биыл Атырауда өткен аймақтық "Үкілі домбыра" сайысында бас жүлдені жеңіп алды. Нұржан сахналық қойылымдарға дайындықтан қолы босаса, театр жертөлесіндегі шағын шеберханасына асығады. 15 жасынан бастаған ісі қазірде сүйікті кәсібіне айналған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
