51 мыңнан астам қазақстандық зейнетақы жинақтарының бір бөлігін жеке басқару компанияларына сеніп тапсыру бойынша өтініш берген, деп хабарлайды inbusiness.kz сайты.
1 желтоқсандағы жағдай бойынша зейнетақы жинақтарының бір бөлігін инвестициялық портфельді басқарушыға аудару туралы 51 829 өтініш түскен. 60, 7 млрд теңге сомасына 45 104 сұранысы қанағаттандырылса, 6 617 салымшының өтінішіне бас тартылды. Бұл туралы БЖЗҚ жариялаған есепте көрсетілген.
Жалпы басқару компанияларына 60,7 млрд теңге аударылды. 36,8 млрд теңге қаражат (24 443 өтініш) Halyk Finance компаниясына, Jusan Invest-ке 11,3 млрд теңге (9 374 өтініш) аударылды. Бұдан бөлек қазақстандық салымшылар BCC Invest компаниясына 5,6 млрд теңгесін (4 872 өтініш), Halyk Global Markets-ке 5,2 млрд теңгесін (4363 өтініш), "Сентрас Секьюритиз" компаниясына 1,9 млрд теңгесін (2052 өтініш) сеніп тапсырды.
Өңірлер бойынша салымшылардан ең көп өтініш Алматы, Астана қалаларынан және Атырау, Ақтөбе облыстарынан келген.
