Биыл қаңтар-мамырда әуе компаниялары жолаушылар тасымалынан 141,6 млрд теңге табыс тапқан. Бұл 2020 жылдың сәйкес кезеңімен салыстырғанда 1,5 есе көп, деп хабарлайды inbusiness.kz порталы ranking.kz-ке сілтеме жасап.
2021 жылғы бірінші жартыжылдықта әуе компаниялары 4,2 млн жолаушы тасымалдаған. Бұл өткен жылдың сәйкес кезеңімен салыстырғанда 79,6% артық.
2020 жылы жолаушылар тасымалы бірден 35,8% қысқарған.
Биыл коронавирус пандемиясына қарамастан жолаушылар саны айтарлықтай өсіп, рекордтық көрсеткіш тіркелген. Олардың басым бөлігі Алматы әуежайына тиесілі: 3 млн жолаушы. Кейін тізімде Шымкент (905 мың жолаушы) және Нұр-Сұлтан (278,9 мың жолаушы) тұр.
Алматы және Қарағанды облыстарының әуежайына 3,9 мың және 1,2 мың жолаушы келген.
4,2 млн жолаушының 4 млн-ға жуығы отандық әуе компаниялардың қызметін пайдаланған. Оның ішінде 3,5 млн жолаушы ішкі рейс, ал 484,5 мың жолаушы халықаралық рейспен ұшқан.
Сонымен қатар 3 млн жолаушы (оның ішінде 2,5 млн жолаушы – ішкі рейс) Air Astana-мен ұшқан.
2021 жылдың соңына дейін қазақстандық әуе компаниялар жолаушылар саны 9,1 млн-нан асады деп болжам жасап отыр. Оның ішінде Air Astana мен FlyArystan – 3,5 млн жолаушы, SCAT Airlines – 1,6 млн, Qazaq Air – 576 мың.
2020 жылы ұшақпен 5,5 млн жолаушы ұшқан, ал 2019 жылы олардың саны 8,6 млн болған еді.
Биыл қаңтар-маусымда отандық әуе компаниялар жолаушылар тасымалынан 141,6 млрд теңге табыс тапқан. Бұл 2020 жылдың сәйкес кезеңімен салыстырғанда 1,5 есе көп.
Дәурен Ерболат
