6 айда БЖЗҚ салымшыларына 20 млн қызмет көрсетілген

6 айда БЖЗҚ салымшыларына 20 млн қызмет көрсетілген

29 Шілде 2021 15:24 525

6 айда БЖЗҚ салымшыларына 20 млн қызмет көрсетілген
2021 жылғы бірінші жартыжылдықта Бірыңғай жинақтаушы зейнетақы қорының салымшыларына 20 млн қызмет көрсетілді, деп хабарлайды inbusiness.kz БЖЗҚ-ның баспасөз қызметіне сілтеме жасап.

Биыл 1 шілдеге дейін БЖЗҚ салымшыларға 20,3 млн қызмет көрсеткен. Бұл өткен жылдың осы кезеңімен салыстырғанда 44,1%-ға көп. Ал электронды форматта 15,1 млн-нан қызмет көрсетілген: бұл қызметтердің жалпы көлемінің 74,4%-ы. 

«Өткен жылмен салыстырғанда онлайн қызмет көрсету 2 есе өсті. БЖЗҚ сайты және ұялы қосымшадағы жеке кабинеттің көмегімен салымшылар қызметтерді қалаған уақытында ала алады. Бұл қызметтер жеке зейнетақы шотынан көшірме алу, өз деректемелеріне өзгерістер мен толықтырулар енгізу, ЖЗШ-ның болуы туралы анықтама алу, мерзімсіз уақытқа 1 немесе 2 топтағы мүгедектіктің белгіленуіне байланысты зейнетақы төлемдерін тағайындау туралы өтініш беру және тағы басқа қызметтер», - деп жазылған хабарламада.

Сондай-ақ автоматты форматта 2,95 миллион қызмет көрсетілді: жалпы көрсетілген қызметтің 14,5%-ы. Салымшылар шамамен 1,3 миллион қызметті Бірыңғай жинақтаушы зейнетақы қорының кеңсесіне барып алған. Қазақстан бойынша 183 қызмет көрсету нүктесінде салымшыларға 1 млн 284 мың 489 қызмет көрсетілді. Бұл өткен жылмен салыстырғанда 556,4 мың қызметке немесе 76,4%-ға артық.

«2021 жылғы 6 айда шалғайдағы елді мекендерде «Қазпошта» АҚ-ның бөлімшелері арқылы 8 538 қызмет көрсетілді. Бұл өткен жылмен салыстырғанда 4 есе көп», - деп жазылған хабарламада.

167331

Ұқсас материалдар:

hvk-alem-bojynsha-ekonomikalyk-alshaktyk-ulgajyp-barady

tokio-olimpiadasy-bugin-zharys-zholyna-kimder-shygady

tokio-2020-erten-kazakstan-sportshylarynan-kimder-sajyska-tusedi

turkistan-oblysynda-eki-kopirdin-kurylysy-ayaktalmaj-zhatyp-karazhaty-igerilgen

tenge-bagamy-0-06-ga-tomendedi

загрузка

×