/img/tv1.svg
RU KZ
6 айда көлеңкелі экономикадан келген шығын 38 млрд теңгеге жетті

6 айда көлеңкелі экономикадан келген шығын 38 млрд теңгеге жетті

Қаржы мониторнигі комитеті осыған қатысты 743 қылмыстық іс қозғаған.  

06 Тамыз 2020 22:34 192

6 айда көлеңкелі экономикадан келген шығын 38 млрд теңгеге жетті

Жарты жылда көлеңкелі экономикадан келген шығын 38 млрд теңгеге жетті, деп хабарлайды Atameken Business.

Оның 560-ы сотқа жіберілген. Жалпы соманың 32 млрды бюджетке қайтарылатын қаражат. 21 млрд теңге мемлекеттің қазынасына қайтарылса, қалған 9,6 млрд теңгеге тең мүлік тәркіленді.  Ең жиі жасалған қылмыс - жалған ақшамен ұсталғандар. Мұндай 161 іс тіркеліпті. Заңсыз ойын автоматтарымен 117 іс қаралды, олардың 160 автомат орнатылған нүктесі жойылған. Қаржы пирамидасымен 29 қылмыстық іс қозғалған.

Алматыда жалған ақша жасағандарға үкім кесілді

Топ мүшелерінің Ұлттық банктің жалған банкноталарын дайындайтын астыртын цех ұйымдастырғаны толық дәлелденген.

26 Тамыз 2020 09:24 141

Алматы облысы аумағында номиналы 10 мың теңгелік жалған банкноталарды жасап, сондай-ақ оны пайдаланумен айналысқан екі адамнан құралған қылмыстық топқа қатысты сотқа дейінгі тергеу аяқталды, деп хабарлады ҚМ ҚМК баспасөз қызметі.

Топ мүшелерінің Ұлттық банктің жалған банкноталарын дайындайтын астыртын цех ұйымдастырғаны толық дәлелденген.

«Жалған ақша қаражатын дайындайтын цех ретінде жабдықталған пәтерді тінту барысында ноутбук, түрлі-түсті принтер, сутаңбасы бар арнайы қағаз, бояу флакондары, екі жағында 10000 теңгелік суреттері (бланкілері) бар сандық файлдар, банкнот пен ою-өрнектің орнын алмастыратын фольгадан жасалған ленталар, кеңсе тауарлары және сомасы 220 000 теңгені құрайтын жалған қағаз ақша тәркіленіп алынды»,– деп жазылған Қаржы мониторингі таратқан ақпаратта.

Сот үкімімен айыпталушылар ҚР ҚК 231 бабының 2-б. сәйкес (жалған
ақша немесе бағалы қағаздар жасау, сақтау, алып өту немесе өткізу) кінәлі деп
танылып, астыртын цех ұйымдастырушылардың біріне 5 жыл, екіншісіне 3 жыл 6 ай мерзімге бас бостандығынан айыру жазасы тағайындалды.

Қазақстанда жалған еуро өткізумен айналысқан РФ азаматы 5 жылға сотталды

Тергеу амалдарын жүргізуде айналымнан 500 еуро номиналындағы 151 жалған купюра алынған. 

04 Маусым 2020 10:36 149

Қазақстан Республикасы аумағында номиналы 500 еуро жалған ақша купюрасын өткізуді жүзеге асырған трансұлттық қылмыстық топ құрамына енген тұлғаларға қатысты айыптау үкімі шықты, деп хабарлайды Қаржы министрлігінің қаржы мониторингі комитетінің баспасөз қызметі.

Қаржы мониторингі комитетінің Солтүстік Қазақстан облысы бойынша Экономикалық тергеулер департаментінің қызметкерлері жедел-іздестіру іс-шараларын жүргізу барысында жалған ақша купюрасын жеткізу каналының жолын кесті.

Одан тергеу амалдарын жүргізу барысында айналымнан 500 еуро номиналындағы 151 жалған купюра алынды.

Петропавл қалалық сотының үкімімен айыпталушылар ҚР ҚК 264-бап 2-бөлім, 231-бап 3-бөлім, 190-бап 4-бөлім, 392-бап 1-бөлім, 218-бап 2-бөлімі бойынша кінәлі деп танылды. Қылмыс жасауға тікелей қатысқан Ресей Федерациясының азаматы Қазақстан Республикасының шегінен тысқары жерге бес жыл мерзімге шығарылып, оған мүлкiн тәркiленумен, 5 жыл мерзімге бас бостандығынан айырылу түрінде жаза тағайындалды, қылмыс жасауда серіктес болған тұлғаларға 5 жылға пробация бақылауын белгілеумен шартты түрде 5 жылға бас бостандығынан айыру түрінде жаза тағайындалды.