Үкімет отырысында индустрия және инфрақұрылымдық даму министрі Бейбіт Атамқұлов 2020-2025 жылдарға арналған "Нұрлы жол" инфрақұрылымды дамыту мемлекеттік бағдарламасы аясында теміржол көлігі саласында қандай жобалар жүзеге асырылатынын айтты.
"Теміржол көлігі саласында 2025 жылға қарай магистральдік теміржол желісінің тозуын 49%, локомативтердің тозуын 58% төмендету жоспарланып отыр. Жолаушы тасымайтын вагондардың тапшылығын қысқарту үшін 6 жылда 600 вагон сатып алынады. Биыл 50 вагон алу үшін бюджеттік несиеге 20 млрд теңге бөлінді", – деді министр.
Оның сөзінше, жылжымалы паркті жаңартуға 657 млрд теңге жұмсалады. Қомақты қаржының 455 млрд теңгесі жеке инвестиция болады.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
