Министр елде "омикрон" штамының тарауына байланысты қосымша іс-шаралар іске асырылатынын айтты.
"Халықты вакцинациялау және ревакцинациялау деңгейін арттыру керек. Халықтың осал тобын қорғау үшін ревакцинациялауға арналған вакциналар саны көбейтілді. Тек балалар мен жүкті әйелдер емес 60 жастан асқан адамдарға ревакцинация үшін Комирнати (Pfizer) вакцинасы ұсынылады", – деді Ажар Ғиният Үкімет отырысында.
Ол Қазақстандағы эпидемиологиялық жағдайдың күрт нашарлауына байланысты "қызыл" аймақтағы өңірлерде ұжымдарды тарату, әрі инфекцияның таралуын азайту бойынша қосымша алдын алу іс-шаралары ведомствоаралық комиссияның кезекті отырысына шығарылатынын атап өтті.
Министр бүгінде коронавирусқа қарсы екпенің бірінші компонентін 9,4 млн-нан аса адам (халықтың 79,2%), екінші компонентін 8,7 млн-нан аса адам (халықтың 75,1%) алғанын атап өтті.
Дәурен Ерболат
