/img/tv1.svg
RU KZ
FTSE 100 5 671,96 РТС 1 014,44
KASE 2 224,17 DOW J 21 921,63
Hang Seng 23 498,22 Алтын 1 594,60
65 жастан асқан депутаттар мәжілістің жалпы отырысына қатысқан жоқ

65 жастан асқан депутаттар мәжілістің жалпы отырысына қатысқан жоқ

Халық қалаулыларының барлығы жұмысқа маска киіп келді. 

26 Наурыз 2020 10:45 52

65 жастан асқан депутаттар мәжілістің жалпы отырысына қатысқан жоқ

Өткен аптадағы мәжіліс отырысында депуттардың бірлі-жарымын ғана  маскамен көрсек, бүгін басым бөлігінің бет-ауызын тұмшалап алғанын аңғардық. 

Жиынға қатысушылардың отырғызылу тәртібіне өзгеріс енгізіліпті. Бұл туралы мәжіліс төрағасы Нұрлан Нығматулин: «Өздеріңіз көріп отырғандай, Дүниежүзілік денсаулық сақтау ұйымының санитарлық нормаларына байланысты бүгін сіздер бизнес-санаттағыдай бір-бірлеріңізден алшақ орналастырылдыңыздар», – деді.

Мәжіліс төрағасы жалпы отырысқа депутаттар неге толық құраммен қатыспағанын түсіндірді. 

«Дүниежүзілік денсаулық сақтау ұйымының ұсынысына сәйкес, біз кейбір, оның ішінде 65 жастан асқан депутаттарға мәжілістің жалпы отырысына қатыспауға, үйде болуға рұқсат бердік. Алаңдамаңыздар, барлығы аман», – деді Нұрлан Нығматулин.

Сөз арасында ол бұдан бұрын мәжілістің жалпы отырыстарын өткізу тәртібіне өзгеріс енгізілгенін еске салды. 

«Жалпы отырысқа депутаттар мен негізгі баяндамашылар ғана қатысып жүр. Басқа мүдделі органдардың, қоғамдық, үкіметтік емес ұйымдардың өкілдері шақырылып жатқан жоқ», –деді мәжіліс төрағасы.

Қанат Махамбет 

inbusiness.kz-ті қараңыз, оқыңыз :

Нұр-Сұлтан қаласына қосымша 300 мыңнан астам бетперде әкелінді

Өткен аптада қала дәріханаларына 450 мың медициналық бетперде жеткізілген болатын. 

23 Наурыз 2020 12:36 248

Нұр-Сұлтан қаласына қосымша 300 мыңнан астам бетперде әкелінді

Мемлекет басшысы Қасым-Жомарт Тоқаевтың тапсырмасын орындау аясында 23 наурыз күні астанаға қосымша 300 мыңнан астам медициналық бетперде әкелінді, деп хабарлайды елорда әкімдігінің  ресми сайты.

Елбасы Нұрсұлтан Назарбаевтың тапсырмасымен Тұңғыш Президенті қоры Нұр-Сұлтан қаласының Қоғамдық денсаулық сақтау басқармасына 50 мың медициналық бетперде жіберді.

Қала әкімдігі «СҚ-Фармация» компаниясымен бірлесе бетперде мен антисептиктерді жеткізу бойынша мәселені дистрибьюторлармен  ұзақ мерзімді негізде жолға қойды. Құны 56 теңгеге бекітілген бетперделерді келесі мекенжайлардағы дәріханалардан алуға болады: «Хан Шатыр», «Азия парк»  СОО, «Мәскеу» БО, «Хайвилл», «Нұрсая», «13 магистраль», «7Я»,  «Лазурный квартал»,  «Променад Экспо» ТК, №10 емхана,  «Аружан» СОО, «Экспо Плаза» ТК, «Триумфальная арка» ТК, Бараева, Сармат-1, Достар-3, Империал, Иманбаева 8, №6 емхана, «7 континент» ТК, «Визит» ТК, «Қайнар» БО, Тұран 55, Магнум (Алаш ш 23/1) және т.б.

Өткен аптада қала дәріханаларына 450 мың медициналық бетперде жеткізілген болатын.

Естеріңізге сала кетейік, дәріханаларда бір адамға 5 маскадан артық берілмейді. Медицина, полиция, әлеуметтік және қала тіршілігін қамтамасыз етуші нысандардың қызметкерлері медициналық бетпердемен, антисептиктермен және басқа да қорғаныс құралдарымен қамтамасыз етілген.

Елордада медициналық маска 56 теңгеден сатылуда

Қалаға 350 мың маска жеткізілді.

19 Наурыз 2020 17:56 78

Елордада медициналық маска 56 теңгеден сатылуда

 Нұр-Сұлтан қалалық тауарлар мен қызметтердің сапасын және қауіпсіздігін бақылау департаментінің басшысы Зекен Исақов елордаға медициналық маскалардың қосымша партиясын әкелінгенін айтты, деп хабарлайды ҚазАқпарат тілшісі.

«Қалаға 350 мың маска жеткізілді. Қаланың дәріханаларына таратылды. Бағасы – 56 теңге. Бұған қоса маскалардың қосымша партиясын әкелу көзделуде», – деді тікелей эфирде өткен баспасөз мәслихатында.

Қалалық әкімдіктің баспасөз қызметі 56 теңгелік медициналық маскалар әлеуметтік дәріханаларда сатылып жатқанын хабарлады.

Жаңалықтарға жазылу: