/img/tv1.svg
RU KZ
7,4 млрд теңге үкіметке қайтарылды

7,4 млрд теңге үкіметке қайтарылды

Жыл басынан бері Сыбайлас жемқорлыққа қарсы іс-қимыл агенттігі 82 қылмыс тіркеген.

04 Тамыз 2020 13:14 294

7,4 млрд теңге үкіметке қайтарылды

AntikorLive жобасы аясында ұйымдастырылған тікелей эфирде агенттіктің Нұр-Сұлтан қаласы бойынша департаментінің басшысы Нұрлан Қыдырбаев жемқорлыққа қатысты істер аясында үкіметке қайтарылған қаражат туралы сөз қозғады.  

«Алты айдың ішінде 7,4 млрд теңгені үкіметке қайтардық. Бұл Ауыл шаруашылығы министрлігі, әуежай ісі бойынша қайтарылған сома. Аталған фактілерге қатысты іс қозғалып, қарсы тарап айыптарын толық мойындағаннан кейін қаражат қайтарылып, қылмыстық іс қысқартылды. Бұдан өзге 1 млн, 5 млн теңге сынды қайтарылған сомалар көп. Бірақ ішіндегі ең көбі осы сома», – деді департамент басшысы. 

Бұған қоса Нұрлан Қыдырбаев агенттіктің Нұр-Сұлтан қаласы бойынша жасаған жұмыстары статистикасына тоқталды.  

«Жыл басынан бері 82 қылмыс тіркелді. Оның ішінде 62 ауыр қылмыс бар. Ал 52-сі жемқорлыққа қатысты. 51-і қазіргі кезде сотқа жіберілді. Олардың ішінде әуежай бойынша, Байқоңыр аудыны бойынша істер сотқа жіберілді», – деді Нұрлан Қыдырбаев. 

Құралай Құдайберген
 

Пандемия кезінде құрылыс саласының табысы 60%-ға төмендеді

«Құрылыс жұмыстарын бастау үшін 80 түрлі құжат жинау керек, оған 500 күн кетеді».

10 Тамыз 2020 15:11 169

Бұл туралы AntikorLive жобасы аясында өткен онлайн брифингте «Өркен» қазақстандық республикалық салааралық ынтымақтастық қауымдастығы» заңды тұлғалар бірлестігінің президенті Болат Омаров мәлім етті. 

«Құжаттарды рәсімдеу уақыты өте өзекті сұрақ. Статистика бойынша құрылыс саласында жұмысты бастау туралы шешім қабылдап, жалпы құрлыс басталғанша құжаттарды рәсімдеуге 500 күн кетеді. Ол үшін 80 түрлі құжат жинау керек. Бұл құрылыс нарығының дамуын тежейді. Нәтижесінде бизнес шығынға ұшырайды. Сондықтан бұл салада да «бір тезере» қағидасы бойынша жұмыс істеу керек», – деген Болат Омаров пандемия кезіндегі статистикаға тоқталды.  

«Пандемия кезінде құрылыс саласының табысы 60%-ға төмендеді. Бұл өткен жылдың сәйкес кезеңімен салыстырғандағы көрсеткіш. Жалпы барлық салаларға оңай емес. Бірақ жағымды ойлауға тырысу керек. Үкіметте кәсіпкерлерді қолдауда», – деді спикер. 

Құралай Құдайберген
 

Елімізде жылдан жылға жемқорлыққа қатысты қылмыстар азайып келеді

Жемқорлар өз әрекеттерінің немен аяқталатынын  жете түсіне бермейді – Нұрлан Қыдырбаев. 

04 Тамыз 2020 13:57 230

AntikorLive жобасы аясында ұйымдастырылған тікелей эфирде Сыбайлас жемқорлыққа қарсы іс-қимыл агенттігінің Нұр-Сұлтан қаласы бойынша департаменті басшысы Нұрлан Қыдырбаев мәлім етті. 

«Соңғы 4-5 жылда көптеген министрлер мен өзге де лауазымды тұлғалар қомақты қаржы жымқырғаны үшін істі болуда. Кейінгі кезде Алдын алу департаменті құрылғаннан кейін алдын ала түсіндіру жұмыстарының нәтижесінде мұндай қылмыс түрі азайды. Әйтседе үкіметтің қаражатына қол салғысы келетін жемқорлар әлі де жетерлік. Біз оларға қатысты жедел жұмыс жүргізіп жатырмыз жатырмыз», – деген агенттігінің Нұр-Сұлтан қаласы бойынша департаментінің басшысы соңғы жылдары жемқорларлыққа қатысты істердің саны азайғанын жеткізді.

«Жемқорлық бойынша басқа облыс әкімдері, олардың орынбасарларына қатысты қылмыстық іс тіркелуде. Президент бізді аталған тұлғалармен жұмыс істеуіміз үшін тағайындады. Осы бағыт бойынша әлі де атқарылатын іс көп. Барлық департамент басшылары мектептерге барып, түсіндірме жұмыстарын жүргізуде. Өзім де мектептерге, университеттерге барып, түсіндіру жұмыстарын жүргіздім. Егер мектептен барлығын қолға алатын болсақ қылмыс азаяды. Көбі Қылмыстық кодекстің не екенін, қылмыс жасаудың салдары қандай болатынын білмейді», –деді Нұрлан Қыдырбаев.

Құралай Құдайберген