Бұл туралы Оқу-ағарту министрі Ғани Бейсембаев айтты, деп жазады inbusiness.kz.
"Бүгінгі таңда ерекше білім беру қажеттілігі бар балалар тәрбиеленіп жатқан 7 700 балабақша тиісті талаптарға сәйкестендірілген. Бұл ұйымдарда ерекше білім беру қажеттілігі бар 40 мыңнан астам бала психологиялық-педагогикалық түзетуден өтуде. Тұжырымдамаға сәйкес 2026 жылы барлық мектепке дейінгі ұйымдарда ерекше білім беру қажеттілігі бар балаларға жағдай жасау көзделген", - деді министр.
Оның сөзінше, ерекше білім беру қажеттілігі бар балалар оқып жатқан 5 800 мектеп те тиісті талаптарға сәйкестендірілген.
"Биыл оқу жасындағы 132 600 баланың 98%-ының білім алуға мүмкіндігі болып отыр, 3 100 баланың денсаулық жағдайына байланысты мүмкіндігі жоқ. Олардың 88%-ы орта білім беру ұйымдарында, ал 12%-ы үй жағдайында оқиды", - деді Ғани Бейсембаев.
Ведомство басшысы елімізде 646 инклюзия кабинеттері ашылғанын да жеткізді.
