/img/tv1.svg
RU KZ
7 федерация Қазақстан ҰОК тану туралы сертификатына ие болды

7 федерация Қазақстан ҰОК тану туралы сертификатына ие болды

Қазіргі уақытта олимпиадалық спорт түрлері бойынша ұлттық құрамалар Ұлттық Олимпиада комитетінде аккредиттелген спорт базаларында оқу-жаттығу жиындарын қайта бастады.  

25 Қыркүйек 2020 17:17 238

7 федерация Қазақстан ҰОК тану туралы сертификатына ие болды

Бүгін Олимпиадалық және олимпиадалық емес спорт түрлерінен қазақстандық федерациялар ҚР Ұлттық Олимпиадалық комитетінің тану туралы сертификаттарын алды, деп хабарлайды Olympic.kz.

Қазақстан ҰОК бас хатшысы Андрей Крюков Нұр-Сұлтанда Қазақстанның бокс федерациясы, Қазақстан дзюдо федерациясы, Қазақстан Республикасы су спорты түрлері федерациясы, Қазақстан таеквондо (WT) федерациясы, Қазақстан грек-рим, еркін және әйелдер күресі федерациясы, Қазақстан ауыр атлетика федерациясы және Қазақстан Республикасының спорттық би федерациялары қауымдастығын тану туралы арнайы сертикатты табыстады.

«Спорт федерацияларын тану туралы сертификат – бұл Қазақстанда спортты дамыту үшін спорттық іс-шаралардың заңдылығын растайтын басты құжат. Сондықтан Олимпиадалық комитеттің атынан біз спорт федерацияларын құттықтаймыз. Бұл ұлттық федерациялар үшін үлкен әрі салтанатты шара екенін түсінеміз, десе де қауіпсіздік мақсатында бүгінгі маңызды әрі салтанатты шараны жабық форматта өткізуге тура келді. Сондай-ақ,  ҚР ҰОК Заң комитеті жүргізген ауқымды жұмыстарды ерекше атап өтіп, комитеттің жоғары кәсібилігі мен белсенді жұмысы үшін алғыс айтамын», – деп атап өтті Андрей Крюков.

Бас хатшы Ұлттық олимпиадалық комитет пен қазақстандық спорт федерацияларының ұлттық спорт түрлерін дамыту мақсатында бірлескен жұмысы жалғасып жатқанын баса айтты.

ҰОК тану туралы куәлігін алған және оны ұзартқан алғашқы ұлттық федерациялардың бірі – Қазақстан бокс федерациясы.

«ҰОК-тің тануы  - бұл әр спорт федерациясы үшін дәстүрлі, сонымен бірге маңызды, салтанатты оқиға.Қазақстандағы ең танымал және табысты спорт түрлерінің бірі ретінде біздің үлкен олимпиадалық отбасының мүшесі екендігімізді және спортты дұрыс бағытта дамытып жатқанымызды растайтын осы заңдылық сертификатын алғанымызға өте қуаныштымыз. Пандемияға байланысты ұзақ үзілістен кейін командалар біртіндеп толыққанды оқу-жаттығу жиындарына кірісуде. Жақын арада басқа ел спортшыларымен бірлесе жаттығып, халықаралық турнирлерге қатысамыз деген үміттенеміз – осының бәрі Олимпиада ойындарына дайындықтың маңызды кезеңдері», – деп атап өтті Қазақстан бокс федерациясының атқарушы директоры Бекжан Бектенов.

Қазіргі уақытта олимпиадалық спорт түрлері бойынша ұлттық құрамалар Ұлттық Олимпиада комитетінде аккредиттелген спорт базаларында оқу-жаттығу жиындарын қайта бастады. Еліміздің бас санитарлық дәрігері белгілеген спорттық нысандарға қойылатын талаптардан басқа, ҰОК жедел штабы спорттық ғимараттар үшін спортшылар мен жаттықтырушылардың қауіпсіздігін қамтамасыз етуге бағытталған қосымша ережелер әзірледі.

Нұрлан Ермекбаев ресейлік әріптесі Сергей Шойгумен кездесті

Қазақстан мен Ресей қорғаныс ведомство басшыларының кездесуінде қорғаныс ауқымындағы стратегиялық серіктестік пен ынтымақтастықты бұдан әрі дамыту даярлығы бекітілді.  

16 Қазан 2020 22:27 162

Бүгін Нұр-Сұлтанда Қазақстанның Қорғаныс министрі Нұрлан Ермекбаев ресейлік әріптесі Сергей Шойгумен елімізге келген ресми сапары барысында кездесті.

Құрылымдық диалог барысында олар өңірлік қауіпсіздікті қолдау және қамтамасыз ету жөнінде пікір алмасты.

Тараптар Қазақстан мен Ресейдің екіжақты әскери және әскери-техникалық ынтымақтастықтың ағымдағы жағдайын талқылап, алдағы уақыттардағы анағұрлым өзекті бағыттарды айқындады.

Екі ел арасындағы қорғаныс ынтымақтастығы түрлі ауқымдағы жоғары деңгейдегі өзара іс-қимылмен сипатталатынын атап өткен жөн.

Қазақстан Республикасының Ресей Федерациясымен қатынасы бауырлас елдер арасындағы көпжоспарлы стратегиялық ынтымақтастығының маңызды бағыттарының бірі болып табылады.

«Екіжақты нысандағы іс-шараларға ғана емес, сонымен қатар ҰҚШҰ, ШЫҰ, ТМД сияқты көпжақты ынтымақтастық аясындағы іс-шараларына да белсенді қатысамыз. Қорғаныс ведомство басшылары орынбасарларының деңгейінде құрылған қорғаныс кеңес беру институты құрылым ретінде қызмет көрсетіп, қол жеткізген сенімхаттарын іске асыруда түзетуге және басымдықтарын көрсетуге мүмкіндік береді», – деп ҚР Қорғаныс министрі атап өтті.

Қазақстан мен Ресей өңірлік қауіпсіздік мүддесінде олардың стратегиялық серіктестіктегі маңыздылығын қарастыра отырып, өзінің қорғаныс және әскери-техникалық ауқымдағы байланысын тұрақты түрде жетілдіреді.

 Екіжақты ынтымақтастықтың басты элементі бірлескен жауынгерлік даярлық,әскери-техникалық ынтымақтастық және кадрлар даярлау мәселелері болып қалуда.

Биыл санитралық-эпидемиологиялық жағдайларға байланысты қазақстандық әскерилер «АрХО-2020» конкурстарына толық қатысуға мүмкіндігі болмады. Сонда да қазақстандықтар тарапы алдағы халықаралық армия ойындарына қатысуға қызығушылық танытып отыр, сондай-ақ 2021 жылы ұйымдастырушы ел ретінде қатысуға дайын.

Қазақстан мен Ресей арасындағы әскери-техникалық ынтымақтастық шеңберінің жоғары деңгейі байқалды, бұл қару-жарақ пен әскери техниканы қою бойынша бірлескен жобаларды толық жүзеге асыруға мүмкіндік береді. Өткен жылдары Қазақстанның Қарулы Күштері Ресейден шыққан авиация техникаларын, ӘШҚҚ құралдарын, әскери-теңіз күштерінің жарақтарын, оқ-дәрілер мен запастардың айтарлықтай бірлігін сатып алды.

Қазақстанның Қорғаныс министрлігі жоғары және жоғары білім алғаннан кейін білім алу бағдарламалар бойынша Ресей Қорғаныс министрлігінің әскери оқу орындарында әскери кадрларды даярлауға, сондай-ақ Ресей Федерациясы Қарулы Күштерінің мамандандырылған оқу-жаттығу орталықтарының базасына мамандарды жіберуге бұдан әрі де мүдделі.

Жаңа оқу жылында ресейліктер тарапынан қазақстандық әскери қызметшілерді оқытуға барынша көп квота бөлінгенін атап өткен жөн.

Қазақстанның Қорғаныс министрі ресейлік әріптестерімен әңгіме барысында ресейлік әскери дәрігерлердің еңбегін ерекше атап өтті. Айта кетсек, ағымдағы жылдың тамызында РФ ҚК әскери дәрігерлерінен құралған топ өздерінің қазақстандық әріптестеріне практикалық және методологиялық қолдау көрсетті, бұл ұлттық әскери медициналық қызметте COVID-19 вирусымен сырқаттанған пациенттерді емдеуде әлемдік озық тәжірибені екшеп, эпидемиологиялық шаралардың кең шеңберін зерделеуге мүмкіндік берді.

«Аса қажет болғанда Ресей Федерациясы тарапынан көрсетілген көмегін жоғары бағалаймыз. Сондай-ақ Қазақстан Республикасы Қарулы Күштерінің медициналық мүлікті жеткізуде және ағымдағы жылдың тамызында әскери медициналық бригадаларды жіберуде көрсетілген көмекке алғыс білдіремін», – деді Нұрлан Ермекбаев.

Қазақстан мен Ресей қорғаныс министрлерінің кездесу қорытындысы бойынша Қазақстан Республикасы мен Ресей Федерациясы арасындағы әскери ынтымақтастық туралы жаңартылған шартқа қол қойылды.

Аталған шарт күшінен енген сәттен бастап, негізгі ережелері іске асырылған, 1994 жылы 28 наурызда қол қойылған Қазақстан Республикасы мен Ресей Федерациясы арасындағы бұрынғы шарт күшін жояды.

Өткен жылдардағы мемлекет аралық құжаттарда қарастырылғандай, Әскери ынтымақтастықтың жаңартылған шарт ережелеріне сәйкес кадрларды даярлау, қару-жарақ пен техниканы қою, бірлескен екіжақты және көп жақты оқу-жаттығуларға, әскерлерді жауынгерлік даярлық шараларына қатысу кең ауқымда жүзеге асырылады.

Жаңартылған шарт сондай-ақ халықаралық ұйымдар аясындағы өзара іс-қимыл, бітімгершілік қызмет, өңірлік қауіпсіздік қатерлеріне қарсы іс-қимыл, мәдениет және спорт қызметтері енгізілген өзара іс-қимылдың жаңа бағыттары мен нысандарымен толықтырылды.

 

Қазақстан Жапонияға жылқы етін жеткізуге дайын

Қазақстан ауыл шаруашылық экспортының ауқымын ұлғайтып, жаңа нарыққа шығады.  

07 Қыркүйек 2020 22:35 380

Ауыл шаруашылығы министрі Сапархан Омаров мұнда Шығыс Азия елдеріне көз тігіп отыр, деп хабарлайды Atameken Business.

Мәселен, Жапония үлкен сұраныс беруге дайын елдің бірі. Үкімет ол жаққа сиырмен қатар, жылқы етін де жеткізуге уағдаластық жасай алған. Жалпы биыл Президенттің тапсырмасымен Ауыл шаруашылығын арттырудың 5 жылға арналған үлкен бағдарламасы әзірленіп жатыр. Онда негізгі басымдылық,  отандық шаруалардың өнімін сыртқа шығаруға жәрдемдесуге берілмек. Бүгінде Қазақстан 62 елге 3,2 млрд долларға тауар шығарады.