15 мамырда Талғар ауданының полиция бөлімшесіне шетелдік велосипед саудасымен айналысатын кәсіпкер арызданды, деп хабарлайды Алматы облысының ішкі істер департаменті.
Жәбірленуші арызында оның қоймасынан 75 велосипед ұрланғанын көрсеткен. Келтірілген материалдық шығын көлемі 1 миллион теңгеге бағаланды.
Облыстық полицияның мәліметі бойынша қылмысқа кінәлі адамдар анықталған. Дәл қазір уақытша ұстау изоляторында отырған Еңбекшіқазақ ауданының 3 тұрғыны күдікті ретінде жауапқа тартылады. Полицияның айтуынша, күдіктілердің біреуі жәбірленушінің жақын туысы болып шыққан.
Аталған қылмыстық іс бойынша тергеу жұмыстары жалғасып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
