8 айда машина жасауда 1,4 трлн теңгенің өнімі шығарылды

853

8 айда машина жасауда өндіріс көлемі 1,4 трлн теңге болды. Бұл туралы Қазақстан машина жасаушылар одағының (ҚМЖО) төрағасы Мейрам Пішембаев айтты, деп хабарлайды inbusiness.kz тілшісі.

8 айда машина жасауда 1,4 трлн теңгенің өнімі шығарылды

"8 айда саладағы өндіріс көлемі 2020 жылмен салыстырғанда 24%-ға өсіп, 1,4 трлн теңге болды. Жыл соңына дейін бұл көрсеткіш алғаш рет 2 трлн теңгеден асады деп болжап отырмыз", – деді Мейрам Пішембаев елордада өтіп жатқан Қазақстан машина жасаушыларының IX форумында.

Ауыл шаруашылығы машинасын жасауда өсім – 300%, теміржол – 45%, электротехника – 28%, тау-кен металлургиясы және мұнай-газда – 11% болды. 

ҚМЖО дерегінше, бүгінде салада 3 мыңнан аса кәсіпорын жұмыс істейді. Онда 119 мыңнан аса адам жұмыс істеп жатыр.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу