Алматы облысынның сыбайлас жемқорлыққа қарсы іс-қимыл департаменті А.Тоқтамұратұлы есімді азаматқа қатысты істі аяғына жеткізді. Агенттіктің 1-департаментінің аса маңызды істер жөніндегі тергеушісі Данияр Биғайдаров іс сотта қаралып, үкім шыққанын айтады.
"А.Тоқтамұратұлы алаяқтық жолмен Қазақстан Республикасына қоныс аударған Қытай Республикасының азаматтарына (Б.Дәулет, Г.Түсіпәлі, Б.Бағдәулет, А.Бағдәулет) ықтиярхат жасап беретінін айтып, 80 мың теңге пара алды деген күдікке ілінген болатын. Алматы облысындағы Ескелді аудандық сотының үкімімен Тоқтамұратұлы 300 АЕК немесе 800 мың теңге көлемінде айыппұл арқалап, өмір бойы мемлекеттік қызметте істеу құқығынан айырылды", – деді Данияр Биғайдаров.
Есжан Ботақара
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
