Ұлан ауданының прокуратурасы халықты дәрі-дәрмекпен қамтамасыз ету саласындағы заңдылықтың сақталуына жүргізілген талдау барысында азаматтардың конституциялық құқықтарының бұзылғанын анықтады, деп хабарлайды inbusiness.kz сайты.
Тексеру нәтижесінде аудандық ауруханада диспансерлік есепте тұрған 811 азаматтың мемлекет кепілдік берген тегін медициналық көмек аясында қажетті дәрілік заттарды уақытылы алмағаны белгілі болды.
Прокурорлық қадағалау актісінің негізінде анықталған заңбұзушылықтар жойылып, пациенттер қажетті дәрі-дәрмектермен толық көлемде қамтамасыз етілді. Осылайша азаматтардың бұзылған конституциялық құқықтары қалпына келтірілді.
Сонымен қатар прокурордың ұсынысы бойынша заңбұзушылықтарға жол берген лауазымды тұлға тәртіптік жауапкершілікке тартылды.
Прокуратура органдары азаматтардың денсаулығын қорғауға қатысты конституциялық құқықтарының сақталуын ерекше бақылауда ұстайтынын мәлімдеді.
