Министр осыған дейінгі 5 айда камералдық бақылаумен 3,9 трлн теңгенің
448 мыңнан астам мемлекеттік сатып алу рәсімі қамтылғанын мәлімдеді, деп хабарлайды inbusiness.kz.
"Тексеру қорытындысында 13 мың рәсім бойынша бұзушылық анықталды.
Мемлекеттік аудит объектілері бұзушылықтарды жою туралы 12,5 мың хабарламаны орындады. 1 416 аудиторлық іс-шара өткізілді. Аудитпен 840 млрд теңге бюджет қаражаты қамтылды. 87 млрд теңгеге қатысты қаржылық бұзушылық анықталды", – деді қаржы министрі.
Ерұлан Жамаубаевтың айтуынша, тауарлар жеткізу, қызмет көрсету, міндеттемені орындау, бюджетке өтеу және есепке алу бойынша бағытында атқарылған жұмыс нәтижесінде 68 млрд теңгенің қаржылық бұзушылығы жойылды. Аудит объектілері қызметінің тиімділігін жетілдіру және арттыру үшін 1 227 ұсыным берілді.
Қанат Махамбет
