DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
85 мың теңге көтерме ақыны қалай алуға болатыны белгілі болды

85 мың теңге көтерме ақыны қалай алуға болатыны белгілі болды

«Жұмыспен қамтудың жол картасы» бағдарламасына 1 триллион теңге қаражат бөлінген.  

01 Сәуір 2020 19:55 432

85 мың теңге көтерме ақыны қалай алуға болатыны белгілі болды

Президент Қасым-Жомарт Тоқаев 31 наурыз күнгі жасаған үндеуінде еліміздің республикалық маңызы бар қалаларында карантин салдарынан еңбекке қабілетті жастардың көп екенін еске салып, Үкімет пен әкімдерге «Жұмыспен қамтудың жол картасы» аясында осы аймақтарда нақты жобаларды дереу бастау қажеттігін айтқан болатын. Осы орайда Еңбек және халықты әлеуметтік қорғау министрі Біржан Нұрымбетов 85 мың теңге көлемінде көтерме ақыны қалай алуға болатынын түсіндірді.

«Кеше ел Президентінің Үкіметке тапсырғаны, «Жұмыспен қамтудың жол картасы» бағдарламасына қатысты. Қазір елімізде жаңа «Жұмыспен қамтудың жол картасы» әзірленді. Оған 1 триллион теңге қаражат бөлініп отыр. Сол 1 трлн қаражат есебінен елімізде 7 мыңнан астам жоба іске асырылады, 240 мыңнан астам жұмыс орындары болады. Президент «Нұр-Сұлтан, Алматы, Шымкент қаласындағы ауылдан, өңірден келген жастарымыз, азаматтар қазір қаланың сыртында жұмыссыз қалды, қалаға кіре алмайды» деген мәселеге ерекше көңіл бөлді. Президенттің осы тапсырмасы бойынша, егер де өздеріңіздің ауылыңызға, өңірлеріңізге қайтып, «Жұмыспен қамтудың жол картасы» жобарындағы жұмыстарға қатысатын болсаңыздар, сол жұмысқа кіріскен күні сіздерге 85 мың теңге көлемінде көтерме ақы төленетін болады. Ол жалақыға қосылмайды, ол бөлек өтемақы. Одан кейін жұмысыңызды бастап, жұмыстан ай сайыны жалақыңызды аласыз», – деді министр.

Біржан Нұрымбетовтың айтуынша, бағдарламаға қатысқан азаматтың жалақысы 85 мың теңгеден кем болмайды. Ал бағдарламаға жұмыспен қамту орталықтары арқылы шақырады.

«Жұмыспен қамтудың жол картасы» бойынша жалақының мөлшері 85 мың теңгеден төмен болмайды. Бұл жөнінде әкімдер сіздерді күтеді, тиісті рекруттік бекеттер ұйымдастырылатын болады. Бұл жөнінде тапсырма барлық өңірлерге берілді. «Жұмыспен қамтудың жол картасы» бағдарламасына жұмыспен қамту орталықтары арқылы шақыртылатын болады. Сондықтан осы өңірлерде жүрген азаматтарға, жігіттер, жастарға өз өңірлеріңізге қайсаңыздар сіздерге жол картасы арқылы жұмыс ұсынылатын болады», – деді министр.

Нұржан Көшкін

inbusiness.kz-ті қараңыз, оқыңыз :

Елімізде 4 миллионнан астам адам жұмыссыз қалды

Жыл соңында жұмыссыздықтың болжамды деңгейі 6,1%-ды құрауы мүмкін. 

02 Маусым 2020 10:44 76

Елімізде 4 миллионнан астам адам жұмыссыз қалды

Үкімет отырысында Еңбек және халықты әлеуметтік қорғау министрі Біржан Нұрымбетов осылай деді. Оның сөзінше, наурыз-сәуір айларында еңбек нарығындағы ахуал алаңдатарлық жағдайда болған.

«Наурыз-сәуір айларында болжам бойынша табыссыз, жұмыссыз қалған азаматтар саны 4 миллионнан асты. 20 сәуірден бастап карантин шараларының жеңілдетілуіне байланысты бұл көрсеткіш мамыр айында 1 млн адамға дейін төмендеуге тиіс. Үкімет экономиканы жаңғырту, бизнесті қолдау бағытында нақты кешенді іс-шаралар жоспарын жүзеге асырып жатыр. Нәтижесінде шілде айынан бастап еңбек нарығындағы жағдайдың тұрақтануға тиіс», – деді Біржан Нұрымбетов. 

Министрдің мәлімдеуінше, жыл соңында жұмыссыздықтың болжамды деңгейі 6,1%-ды құрауы мүмкін. 

«Жалпы, биыл 1 млн 220 мың адамды жұмыспен қамту шарасына тарту мүмкіндігіміз бар. Жұмыспен қамтудың жол картасы бойынша 255 мың жұмыс орны құрылады. Бүгінде жол картасына кірген 6,5 мың жобаның 5 300 жобасы басталып, 103 мың жұмыс орнына 91 мың адам тартылды. Оның 35%-ы – жастар», – деді Біржан Нұрымбетов.

Қанат Махамбет 

Қызылорда облысы мен Алматы, Шымкент қалалары көш соңында келе жатыр

235 мың тұрақты жұмыс орны құрылады.

05 Мамыр 2020 12:03 106

Қызылорда облысы мен Алматы, Шымкент қалалары көш соңында келе жатыр

Үкімет басшысы Асқар Маминнің мәлімдеуінше, халықтың жұмыспен қамту маңызды мәселе. 

«Жұмыспен қамту» жол картасы аясында 6,5 мыңнан аса инфрақұрылымдық жоба көзделген. Олар әлеуметтік нысандарда инженерлік-көлік инфрақұрылымын, тұрғын үй-коммуналдық нысандарын жөндеу мен салуға, елдімекендерді абаттандыруға, суару және иррегациялық жүйелерді қалпына келтіруге бағытталған. Осының арқасында 255 мың жұмыс орны құрылады. Жұмыспен қамту және халықтың экономикалық белсенділігін сақтаумен қатар инфрақұрылымды жақсарту ел экономикасына оң серпін береді», – деді премьер-министр.

Оның сөзінше, Шығыс Қазақстан, Алматы, Жамбыл, Қарағанды, Түркістан және Павлодар облыстарында жобаларды жүзеге асыру қарқыны күшті. Ал Қызылорда облысы, Алматы және Шымкент қалалары артта қалып келе жатыр.

«Жұмысты күшейту керек. Жалпы, барлық мемлекеттік бағдарламаларды іске асыру аясында 1 млн 220 мыңнан астам адамды жұмыспен қамтуды жоспарлап отырмыз. Оның ішінде 235 мың тұрақты жұмыс орны құрылады», – деді Асқар Мамин.

Қанат Махамбет

Жаңалықтарға жазылу: