Ақтау қаласының әкімдігі 87 млн теңгеге алынған модульдік дәретхананың жайын түсіндірді. Әкімдік сыбайлас жемқорлыққа қарсы қызметтің жағалауда орнатылған қоғамдық дәретханалар жұмыс істемейді деген мәлімдемесіне түсініктеме берді, деп хабарлайды inbusiness.kz тілшісі.
Қала билігінің айтуынша, бес модульдік дәретхананың төртеуі қазір жұмыс істеп тұр, тағы біреуі жақын арада іске қосылады.
"Бүгінгі таңда бес модульдік дәретхананың 4-і пайдалануға берілді. Бесінші дәретханаға келетін болсақ, бастапқы жоспар бойынша ол "Ынтымақ" алаңына орнатылуы тиіс еді. Алайда, осы модульдік дәретхананың орналасуы болжанған аталған жер учаскесі жақын маңдағы тұрғын үйлерде тұратын тұрғындардың наразылығын тудырды. Осыған байланысты бесінші модульдік дәретхананы 14-ші шағын ауданның жағалау аймағында орнату туралы шешім қабылданды. Алайда, бұл учаске инженерлік-коммуникациялық инфрақұрылымға қосылу үшін нүктелерден алыс орналасқан. Сондықтан қосылу 20 күн ішінде жүзеге асырылады деп күтілуде", - деді Ақтау қалалық тұрғын үй-коммуналдық шаруашылық бөлімі.
Қала әкімдігі модульдік дәретханаларды жедел орнату және қызмет көрсетуді бастау үшін бұл дәретханалар мемлекеттік-коммуналдық кәсіпорын арқылы сатып алынғанын айтады. Модульдік дәретханаларды өздері орнатуға келісім-шарт белгілі бір жеткізушімен келіп түскен коммерциялық ұсыныстар негізінде жасалды.
"Модульдік дәретханаларды жеткізуші бұған дейін жол бойындағы сервисті дамыту мақсатында "ҚазАвтоЖол" АҚ осындай дәретханаларды бірнеше рет жеткізген. Қалған қаражат модульдік дәретханаларды қосу және пайдалануға беру қажеттілігіне сәйкес инженерлік-коммуникациялық инфрақұрылымды (сумен жабдықтау, кәріз және электрмен жабдықтау) жүргізуге бағытталды. Сыбайлас жемқорлыққа қарсы қызметтің қалалық ТҮКШ бөлімі тарапынан қаражат қызмет көрсетушіге алдын ала аударылғаны туралы мәлімдемесі бойынша, бұл жағдайда қызметтердің негізгі жеткізушісі қалалық әкімдікке 100% тиесілі мемлекеттік коммуналдық кәсіпорын болып табылатынын айтқымыз келеді. Осыған байланысты қажетті материалдар мен басқа элементтерді, сондай-ақ дәретханаларды сатып алу процедураларын жүргізуге қаражат осы компанияға алдын-ала аударылды", - деді қалалық ТҮКШ бөліміндегілер.
Модульдік дәретханаларды орнатуға сатып алу кезең-кезеңімен жүзеге асырылған. Модульдік дәретханалардың өзін, сондай-ақ инженерлік-коммуникациялық инфрақұрылымды, сондай-ақ құрылыс-монтаждау, жер және іске қосу жұмыстарын жүргізу үшін қажетті материалдарды сатып алу, сорғыларды қосу және сатып алу бойынша жұмыстар жекелеген кезеңдерде жүргізілді.
"Модульдік дәретханалардың жалпы сомасы 87 млн теңге. 5 дана дәретхананың құны 61 млн теңге. Әр дәретхананың құны 12 200 000 мың теңгені құрайды. 26 млн теңге көлеміндегі қалған қаражат инфрақұрылымды(су, электрмен жабдықтау және су бұру)жүргізуге бағытталды", - деді Ақтау қалалық ТҮКШ бөлімі.
