20 маусым мен 30 маусым аралығында өтетін Ұлттық Бірыңғай тестілеуге қатысуға 117 мыңнан астам мектеп бітіруіші өтініш берген, деп мәлім етті білім және ғылым министрі.
"Биыл ҰБТ 20-30 маусым аралығында 169 тапсыру пунктінде өтеді. Оған қатысу үшін 117 242 адам өтініш берген. Соның ішінде 96 мыңнан астамы - осы жылғы мектеп түлектері болса, 20 мыңнан астамы - биыл және өткен жылдары колледж бітірушілер", – деді Асхат Аймағанбетов.
88 мыңнан астам мектеп түлегі ҰБТ-ны қазақ тілінде, 28 мыңы орыс тілінде және 181 адам ағылшын тілінде тапсырады.
Министрдің айтуынша, тестілеу материалдары жасырын түрде өңірлерге жіберілген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
