/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 382,31 Brent 36,55
9 млн теңгенің тендері: Алакөлді жарнамалауға блогерлер шақыртылған

9 млн теңгенің тендері: Алакөлді жарнамалауға блогерлер шақыртылған

Пандемия кезінде PR-ға қыруар қаржы шығындамақ болған.  

30 Маусым 2020 21:58 152

9 млн теңгенің тендері: Алакөлді жарнамалауға блогерлер шақыртылған

Алматы облысының әкімдігі Алакөлге турист тартып, насихат жасау үшін 9 млн теңгеге лот қойып, тендер жариялағаны анықталды, деп хабарлайды Atameken Business теларанасы.  

Мемлекеттік сатып алулар платфомадағы тапсырысқа қарағанда, қосымша ноутбук сияқты қымбат техникалық құрал-жабдықтарға да сұраныс беріліпті. Сөйтес, бұл аймаққа жарнама жасау үшін шақыртылатын блогерлерге берілетін сыйлық екен. Іс-шараны ұйымдастырушы – аймақтық Ішкі саясат басқарамасы болған. Бірақ қоғам арасында шу туғаннан кейін әкімдік 9 млн теңгенің тендірінен түбегейлі бас тартуды ұйғарыпты.

Алакөлде демалатындар COVID-19 туралы анықтама алу керек

Демалыс аймағы иелеріне де санитарлық талаптарды сақтауға тура келеді. 

04 Маусым 2020 14:06 187

Алакөлде демалатындар COVID-19 туралы анықтама алу керек

Шығыс Қазақстандағы демалыс аймақтары тек коронавирустық инфекцияның жоқтығы туралы анықтамасы бар туристерді қабылдайды. Бұл туралы ШҚО бас санитарлық дәрігері  Марат Исмаилов мәлімдеді. 

«Шығыс Қазақстанда демалғысы келетіндер мен демалыс аймағы иелеріне бірқатар санитарлық талапты сақтауға тура келеді. Алакөлде демалатындарға COVID-19-ға тест тапсырғаны туралы анықтама алу керек», – деді бас санитарлық дәрігер. 
       
Оның сөзінше, анықтама тек 7 күнге ғана жарамды. Сонымен қатар отбасыға оның бір мүшесінің анықтамасының болуы жеткілікті. 

Бұдан бөлек жағажайда демалатындар 2 метр қашықтық сақтап, ал курортта адам саны жатын орын санының 50%-ынан аспауға тиіс. Санитарлық талаптардың ішінде бетперделер мен санитайзерлер қорының жеткілікті болуы, жанаспай дене қызуын өлшеуге арналған термометрлер бар. 

Құралай Құдайберген

Шымкент қаласы бойынша 12 блок-бекет қойылды

Үшінші мегаполисте коронавирус таралуының алдын алу мақсатында сақтық шаралары күшейтілді. 

25 Наурыз 2020 15:41 644

Шымкент қаласы бойынша 12 блок-бекет қойылды

Блок-бекеттерде полицейлер мен медицина мамандары тәулік бойы жұмыс істейді. Олар қалаға кіріп-шығатын әрбір көлікті тоқтатып, жүргізушілер мен жолаушыларды арнайы құрылғы көмегімен тексеруден өткізіп жатыр. 
Блок-бекеттер Ақжар, Жылан бұзған, Абдулабат, Өтеміс Шапырашты,  Қызылсу, Мәртөбе, Сиқым ауылы (А-2 айналма жолы), Бозарық айналма жолы,  Қайнарбұлақ саяжайы, Бадам айналма жолы, Көкбұлақ, Бадам көпірі маңына қойылған.

«Сақтық шаралары ең алдымен қала тұрғындарының қауіпсіздігін қамтамасыз ету үшін қажет. Блок-бекеттерде медицина мамандары халықты ақпараттандырып, азаматтардың қозғалысын бақылайды. Дәрігерлер жолаушылардың дене қызуын өлшейді. Қауіптің алдын алу мақсатында қолға алынған жұмыстар барысында полицейлер мен дәрігерлер қала  сыртындағы 12 блок- бекетте күшейтілген режимде жұмыс атқаруда»,– деді қала әкімдігіндегілер. 

Еске салсақ, кеше, 24 наурызда кешкі уақытта шымкенттік бір тұрғыннан коронавирус анықталды. Ол қалаға елордадан автобус арқылы келген. Шымкент қалалық денсаулық сақтау басқармасы басшысының міндетін атқарушы Тимурхан Варзиловтың айтуынша, онымен байланыста болған барлық азамат анықталып, бақылауға алынды. 

«Анықталған азаматтардың өміріне келер қауіп жоқ. Ал коронавирусты жұқтырған азаматтың жағдайы қанағаттанарлық. Біз қалада қауіпті індетті жұқтырғандар саны артпайды деп үміттенеміз. Ол бойынша сақтық шаралары тиісті деңгейде жүргізілуде»,– деді Тимурхан Варзилов. 

Жансая Тәуекелқызы