Біріккен Ұлттар Ұйымы Қауіпсіздік Кеңесі (БҰҰ ҚК) 9 тамыз күні Израиль үкіметінің Газа қаласына басып кіру туралы шешімін талқылау үшін шұғыл отырысқа жиналады.
"Анадолы" агенттігі тілшісіне дипломатиялық дереккөздер хабарлағандай, отырысты өткізу туралы өтінішке АҚШ пен Панамадан басқа БҰҰ ҚК-нің барлық мүшелері қолдау білдірген.
АҚШ бұл отырыстың өтуіне қарсы.
Газаны оккупациялау туралы шешім
7 тамыз кешінде Израильдің қауіпсіздік кабинеті Газа секторының солтүстігінде орналасқан Газа қаласын оккупациялау жоспарын мақұлдады.
Израиль премьер-министрі Биньямин Нетаньяху Fox News арнасына берген сұхбатында министрлер кабинеті отырысында мақсаты – бүкіл Газаны бақылауға алу екенін мәлімдеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
