Бүгінге дейін 919,7 млрд теңгенің өнімі өндірілді, деп хабарлайды inbusiness.kz Ауыл шаруашылығы министрі Ербол Қарашөкеевтің үкімет отырысында сөйлеген сөзіне сілтеме жасап.
Министрдің мәлімдеуінше, 1 қыркүйекте дәнді дақыл шығымы былтырғыдан 33,6% төмен болды.
"Облыс әкімдерінің жедел дерегі бойынша, 1 қыркүйекке дәнді және дәнді-бұршақты дақылдардың орташа түсімі 7,9 центнерді құрады. Бұл өткен жылдың дәл осы күнгі түсімінен 33,6% аз", – деді Ербол Қарашөкеев
Оның сөзінше, орташа республикалық көрсеткіштен жоғары өнім алған өңір саны көңіл көншітпейді.
"Облыс бөлінісінде жалпы ауыл шаруашылығы өнімдерінің республикалық орташа деңгейден жоғары өсу қарқыны 5 облыста байқалады. Бұл Ақмола, Павлодар, Қарағанды, Қостанай және Шығыс Қазақстан облыстары", – деді министр.
Қанат Махамбет
