Әңгіме, "қызыл" статуысымен қоғамдық орындарда қаннен-қаперсіз жүргендердің есімдерінің БАҚ беттерінде жариялануына қатысты боп тұр. Сөйтсе, коронавирустың таралуын тежеу үшін дәрігерлік құпияны ашуға болады екен. Алматыда "қызыл" мәртебесі бола тұра, оқшауланбай көше кезушілердің аты-жөні жарияланды. 80-ге жуық алматылық өзінің қауіпті екенін білсе де, 14 күндік карантинді сақтамаған. Оларға 30 айлық есептік көрсеткіш көлемінде айыппұл салынды. Қаланың сан-эпид қызметінің хабарлауынша, "қызыл" мәртебесі барларға ескерту жасалған. Оған құлақ аспағандарды жазалау үшін есімдерін жариялауға мәжбүр болған. Бұл басқаларға да сабақ болуы тиіс,- дейді қоғамдық денсаулыққа жауаптылар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
