Қала әкімі Алтай Көлгінов бір жарым апта бұрын ашылған "Жанұя" институтының қолдау орталығында азаматтарды қабылдады, деп хабарлайды Нұр-Сұлтан қаласы әкімдігінің ресми сайты. Орталықта "бір терезе" қағидасы бойынша 70-тен астам мемлекеттік қызмет көрсетіледі. Тұрғындар АӘК және білім алу, жұмысқа орналасу, өз ісін ашу, тұрғын үй бағдарламаларына қатысу және т.б. сұрақтарға жауап ала алады. Азаматтарды жеке қабылдау барысында оқушылардың ата-аналары жалпыға бірдей міндетті оқу қоры аясында сертификаттар алудың ыңғайлылығын атап өтті.
"Бұл өте ыңғайлы. Бұрын сапасыз және үлкен киім келетін еді. Қазір міне біз өзімізге ұнайтынымызды, бағасы мен сапасын салыстыра отырып, таңдау жасай аламыз", – деді қала тұрғындары.
Көптеген азаматтар тұрғын үй мәселелері бойынша жолықты. Қала әкімі А. Көлгінов егер жазда кезекте 46 мың адам тұрса, қазір бұл көрсеткіш 47,5 мың адамға дейін артқанын атап өтті.
Тұрғын үй мәселесі бір күнде шешілмейді. Кезекте 47,5 мың адам тұр. Бірнеше тұрғын үй бағдарламасы бар. Олардың бірі – "Бақытты отбасы" бағдарламасы, несие мөлшерлемесі 2 %-ды құрайды. Кезектен тыс пәтер беруге мүмкіндігіміз жоқ. Құжаттарды жинау, кеңес беру, білім беру және жұмысқа орналастыру бойынша көмектесеміз. Келесі жылы біз елордада қолжетімді тұрғын үй құрылысының көлемін 3 есеге ұлғайтамыз. Бірақ кезекте тұрғандардың саны да өсіп келе жатқанын түсіну керек", – деді А. Көлгінов.
Сондай-ақ, қабылдау барысында төртінші сынып оқушысының анасы 1 қыркүйекте ашылған №87 мектеп-лицейге баласын жіберетіні туралы шешім қабылданды. 9 апта ішінде қала әкімі 300-ден астам адамды қабылдады. Өтініштер бойынша тиісті жұмыстар жүргізілуде.
