/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 400,65 Brent 36,55
А. Мамин АДБ және ҚР форсайт сессиясына қатысты

А. Мамин АДБ және ҚР форсайт сессиясына қатысты

Премьер-Министр Қазақстан Үкіметінің алдында Қазақстан экономикасының бәсекеге қабілеттілігін арттыру міндеті тұрғанын атап айтты.   

16 Қараша 2019 11:28 520

А. Мамин АДБ және ҚР форсайт сессиясына қатысты

ҚР Премьер-Министрі Асқар Мамин және Азия даму банкінің (АДБ) президенті Такехико Накао АДБ мен ҚР Үкіметі арасындағы «Қазақстанның ұзақ мерзімді бәсекеге қабілеттілігін дамыту» форсайт сессиясына қатысты, деп хабарлайды government.kz.

«Биыл біздің институттарымыздың сапасы мен экономикалық өсу әлеуетіне зор үлес қосқан Азия даму банкімен тығыз ынтымақтастығымызға 25 жыл толды. Экономика салаларының институционалдық әлеуетін нығайту, реформаларды уақытылы әзірлеу және тиімді жүргізу өте маңызды. Бұл тұрғыда АДБ біз үшін аса құзыретті институционалдық серіктестердің біріне айналады, оның ауыл шаруашылығы, инфрақұрылым, туризм және өңірлік дамудағы тәжірибесін бүкіл әлем мойындаған және ол көптеген елдердің мемлекеттік бағдарламаларынан көрініс тапқан», – деді А. Мамин.

Бұл кездесу Қазақстан мен АДБ-ның стратегиялық пайымдау және Қазақстанның бәсекеге қабілеттілігін болжау бойынша алғашқы бірлескен ой талқысы болды. Оған Үкімет мүшелері, ұлттық холдингтер мен даму институттарының басшылары қатысты. 

Қатысушылар форсайттың әдістемесі мен халықаралық тәжірибесін қарастырды, сондай-ақ 5 сектор бойынша жол карталары мен іс-қимыл жоспарын талқылап, әзірледі: агроөнеркәсіптік кешенді дамытуға арналған инфрақұрылым, туризм экономиканың басты бөлігі ретінде, қалдықтарды өңдеу үшін “ақылды қала” қосымшасы, ҚР индустриялық-инновациялық дамуы үшін форсайт, өңірлік даму арқылы бәсекеге қабілеттілікті арттыру. 

1994 жылдан бері АДБ Қазақстанда қаржыны, инфрақұрылымды, энергетиканы, коммуналдық қызметтер секторын және басқа салаларды дамыту бойынша мемлекеттік жобаларды жүзеге асыруға $5,1 млрд-тан аса займ бөлді. Қазіргі сәтте $3,8 млрд-қа 30-ға жуық жоба толық жүзеге асырылған. 

АДБ $49 млн-ға көлік және ауыл шаруашылығы кешендерінде, білім беруде, денсаулық сақтауда, шағын және орта бизнесті дамытуда және басқа да салаларда 100-ге жуық техникалық көмек жобасын қаржыландырды. $628 млн-нан астам қаржы көлік саласындағы, коммуналдық қызметтердегі, мал шаруашылығындағы және т.б. жеке сектор жобаларын іске асыруға бөлінді.  

Ел экономикасын Азия Даму банкі қаржыландырады

Мәжілісте тиісті құжатқа қол қойылды. 

18 Наурыз 2020 17:43 196

Ел экономикасын Азия Даму банкі қаржыландырады

Мәжілістің жалпы отырысында «Қазақстан үкіметі мен Азия Даму банкі арасындағы Қазақстан Республикасын экономикалық әртараптандыру және оның орнықты дамуына, жалпы өсуіне жәрдемдесу мақсатында ынтымақтастықты күшейту жөніндегі әріптестік туралы негіздемелік келісімге түзетулер мен толықтырулар енгізу туралы» заң жобасы мақұлданды.

2014 жылғы 4 мамырдағы «Әріптестік туралы негіздемелік келісім» 2019 жылғы 27 тамызда Нұр-Сұлтан қаласында бекітілген. 

«Келісім мемлекеттік кепілдікпен қарыз алу кезінде Азия Даму банкінің ережелері мен талаптарын сақтау бойынша нормаларды белгілейді. Олар сыбайлас жемқорлыққа қарсы күрес, тауарларды, жұмыстар мен қызметтерді сатып алу, экологиялық және әлеуметтік қорғау шаралары, негізгі еңбек стандарттары, төлемдер, ақпаратты ашу, гендерлік даму бойынша ережелер мен талаптарды қамтиды. Бұл шарттарда мемлекеттік кепілдікпен алынған қарыздарда қолдану  –жобалардың қаржыландыру тетіктерін кеңейтуге мүмкіндік береді», – деді мәжілістің жалпы отырысында ұлттық экономика министрі Руслан Дәленов. 

Оның сөзінше, келісім бойынша макроэкономикалық орнықтылықты арттыруға, инфрақұрылым мен коммуналдық қызметтерді жаңғыртуға, ауыл шаруашылығы секторын дамытуға, шағын және орта бизнесті қаржыландыруға, инфрақұрылымға және денсаулық сақтау мен білім беру сияқты әлеуметтік секторларға құйылатын инвестиция көлемі ұлғаяды, 

«Азия Даму банкі жұмыс орындарын құру мен инновацияларды ынталандыру арқылы экономикалық дамуға үлес қосады. Келісімді ратификациялау теріс әлеуметтік-экономикалық және құқықтық салдардың алдын алады», – деді Руслан Дәленов.

Қанат Махамбет
 

А. Мамин Беларусь пен Молдованың үкімет басшыларымен кездесулер өткізді

Олар Еуразиялық үкіметаралық кеңестің (ЕҮАК) отырысына және «Digital Almaty» форумына қатысу үшін Алматы қаласына келген болатын.  

30 Қаңтар 2020 20:17 146

А. Мамин Беларусь пен Молдованың үкімет басшыларымен кездесулер өткізді

ҚР Премьер-Министрі Асқар Мамин Беларусь Премьер-Министрі Сергей Румаспен және Молдова Премьер-Министрі Ион Кикумен екіжақты кездесулер өткізді, деп хабарлайды primeminister.kz.

Беларусь Премьер-Министрі С. Румаспен кездесуде инвестициялық, индустриялық, агроөнеркәсіптік, энергетикалық, транзиттік-көліктік, әскери-техника салаларындағы, сондай-ақ интеграциялық бірлестіктер аясындағы екіжақты ынтымақтастық мәселелері қаралды. 

«Бүгінде Қазақстан мен Беларусь арасындағы қарым-қатынастар екіжақты және көпжақты өзара іс-қимылдың табысты әрі тиімді үлгісін көрсетеді. Біздің елдеріміздің арасында қарқынды саяси диалог орнатылған, терең экономикалық байланыстар қалыптасқан, ынтымақтастықтың барлық салаларында өзара іс-қимыл тиімді дамып жатыр», – деді А. Мамин.

Елдер өнеркәсіптік кооперация саласындағы бірлескен жобаларды табысты жүзеге асырып жатыр. Олардың ішінде – «ҚазБелАз» БК базасында «БелАз» карьерлік техникасын құрастыру, «АгромашХолдинг» базасында комбайн және «Hyundai Trans Auto» ЖШС базасында «МАЗ» автотехникасын шығару, сондай-ақ «Алатау» лифт жасау компаниясы» базасындағы лифтілер өндірісі.

ҚР Премьер-Министрі өндірістік кооперацияны кеңейтуге және Қазақстан аумағында бірлескен өндірістерді жергіліктендіру деңгейін арттыруға қызығушылықтың бар екенін жеткізді.

Молдова Премьер-Министрі И. Кикумен кездесу барысында екіжақты экономикалық ынтымақтастық пен ЕАЭО форматындағы өзара іс-қимылдың перспективалары талқыланды.

«Біздің елдер арасында сенімді әрі ашық саяси диалог орнаған, сауда-экономикалық өзара іс-қимыл мен мәдени-гуманитарлық байланыстар нығая түсуде. Әр түрлі аймақтық алаңдарда біздің мемлекеттер басшыларының кездесулерінің тұрақты түрде өтуі Қазақстан – Молдова ынтымақтастығын нығайтуға өзара мүдделіліктің бар екенінің айғағы», – деді А. Мамин.

Қазақстанда молдавандық қатысуымен 70-ке жуық заңды тұлғалар, бөлімшелер мен өкілдіктер жұмыс істейді.

ҚР Премьер-Министрі Қазақстанның Молдовамен сауда-экономикалық, инвестициялық, агроөнеркәсіп және басқа да салалардағы ынтымақтастықты дамытуы үшін елеулі әлеуеттің бар екенін атап өтті.