DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,48 Brent 36,55
Абаев: Елбасы Президенттің жұмысына араласпайды

Абаев: Елбасы Президенттің жұмысына араласпайды

Оның айтуынша, осы мәселе арқылы халықты дүрліктіргісі келетіндер бар.  

17 Қазан 2019 22:05 340

Абаев: Елбасы Президенттің жұмысына араласпайды

ҚР ақпарат және даму министрі Дәурен Абаев «Хабар» арнасындағы «Ашық диалог» бағдарламасында Қазақстандағы «қос билік» қауесеті жөнінде пікір білдірді, деп хабарлайды ҚазАқпарат.

«Бірқатар анонимдік каналдар Қазақстандағы «қос билік» тақырыбын әдейі таратты. Мұндай ресурстардың асыра сілтеп, өтірікті шындай етіп көрсеткісі келетіні түсінікті. Елбасы өз мәлімдемесінде бұл жорамалдарды жоққа шығарды», – деді министр.

Министр Тұңғыш Президент Нұрсұлтан Назарбаевтың мәлімдемесінен бірнеше тұжырым шығаруға болатынын айтты.

«Біріншіден, Елбасы Президент жұмысына араласпайды. Мұның барлығы конституциялық нормалармен межеленген. Екіншіден, Тоқаев – екінші Назарбаев емес, оның өз басқару стилі, өз көзқарасы бар. Сондықтан, жаңа Президент өз жұмысында жаңа формат қолданған сайын «қос билік» туралы шу көтерудің қажеті жоқ. Үшіншіден, Елбасының өзі де, Қасым-Жомарт Кемелұлы да маңызды мәселе жөнінде кеңесіп отыратындарын айтты. Не дегенмен, Нұрсұлтан Әбішұлының табысты ел басқарудағы тәжірибесі мол. Оған өзге мемлекеттердің де көшбасшылары кеңес сұрап жүгінеді, мұны мен анық білемін», – деді Д.Абаев.

Айта кетейік, 11 қазанда ҚР Тұңғыш Президенті – Елбасы Нұрсұлтан Назарбаев Қазақстанда «қос билік» туралы қауесетке негіз жоқ екенін мәлімдеген болатын.

«Мұндай тұжырымға еш негіз жоқ, себебі Қазақстан президенттік басқару формасы бар унитарлы мемлекет. Мен жол көрсетемін, өздері кеңеседі, кеңес беремін, сұрамаса – кеңес бермеймін (күлді). Өз Отаныма, өз еліме қызмет етуді жалғастырып келемін», – деп жауап берді Нұрсұлтан Назарбаев журналист сұрағына.

inbusiness.kz-ті қараңыз, оқыңыз :

Абаев Тараздағы оқиғаға байланысты пікір білдірді

Министр балалардың қауіпсіздігі мәселесінде мұғалімдер мен вахтерлердің ғана емес, барлық азаматтардың қырағы болуы маңызды екенін айтты.  

21 Қараша 2019 22:37 571

Абаев Тараздағы оқиғаға байланысты пікір білдірді

ҚР Ақпарат және қоғамдық даму министрі Дәурен Абаев Тараздағы оқушыны зорлау оқиғасы туралы пікір білдірді, деп хабарлайды ҚазАқпарат.

«Бұл шын мәнінде тым ауыр, арсыз әрі өрескел қылмыс. Кінәлі адам заң бойынша жазасын өтейді. Енді, ең бастысы – зардап шеккен баланың оңалту курсынан өтіп, қалыпты өмірге оралғаны», – деді министр «Хабар» арасындағы «Открытый диалог» бағдарламасында.

Сонымен бірге, ведомство басшысы зорлық-зомбылық статистикасын келтірді.

«Мұндай қатігез оқиғалардың алдында кез келген стастиканың мәні жоғалады. Дегенмен, Ішкі істер министрлігінің деректеріне сәйкес, соңғы 5 жылда кәмелеттік жасқа толмағандарға қатысты қылмыс саны 4 есеге азайған. Әрине, бұл мектептегі балалар қауіпсіздігін ұмыт қалдыру деген сөз емес. Бүгінде еліміз бойынша 2 мың мектеп инспекторы жұмыс істейді және барлық білім ошақтары олардың жұмыс сапасына мән беруі тиіс. 2020 жылдың 1 қаңтарына дейін барлық білім беру нысандары бейнебақылау жүйесімен жабдықталады. Таразда бұл қылмыстың алдын ала алмады, бірақ бұл қауіпсіздік үшін өте қажетті құрал, оған ешкімнің таласы жоқ», – деп түсіндірді Дәурен Абаев.

Еске сала кетсек, полицейлер 15 қарашада Тараз қаласында кәмелетке толмаған қызды зорлаған 38 жастағы күдіктіні ұстады. Оқушы қызды зорлау оқиғасы мектеп әжетханасында болған.

Осы оқиғадан кейін Жамбыл облысындағы барлық білім ордаларындағы қауіпсіздік шаралары күшейтілді. Ал, зардап шеккен оқушы ауруханаға жатқызылды.

Бүгін ҚР Президенті Қасым-Жомарт Тоқаевтың тапсыруымен Тараз қаласының әкімі Қайрат Досаев қызметінен босатылды.

ҚР БҒМ оқиға болған мектеп директоры, директордың тәрбие ісі жөніндегі орынбасары, физика пәні мұғалімі және вахтердің қызметінен босатылғанын жеткізді. Сонымен қатар, Жамбыл облысы Білім басқармасының басшысы Рахия Тұрмағанбетова өз еркімен жұмыстан кетіп, бірқатар жауапты полиция қызметкерлеріне қатаң сөгіс беріліп, учаскелік инспектор ішкі істер органдарынан шығарылды.

Абаев Елбасының Ресей мен Украинаны татуластыру бастамасына пікір білдірді

Бұған дейін ҚР Тұңғыш Президенті – Елбасы Нұрсұлтан Назарбаев Ресей мен Украина арасындағы қақтығысқа қатысты пікір білдірген болатын.  

14 Қараша 2019 21:41 262

Абаев Елбасының Ресей мен Украинаны татуластыру бастамасына пікір білдірді

ҚР Ақпарат және қоғамдық даму министрі Дәурен Абаев Елбасы Нұрсұлтан Назарбаевтың Ресей президенті Владимир Путин мен Украина президенті Владимир Зеленскийді Қазақстанда кездестіру бастамасына қатысты пікір білдірді, деп хабарлайды ҚазАқпарат.

«Кездесудің ұйымдастырылатыны туралы нақты перспективалар туралы айтуға әлі ерте. Бұл жерде мәселе күрделі дипломатиялық қарым-қатынасқа байланысты. Бізге бауырлас екі елдің, мемлекеттің қақтығысының кейінгі жылдары агрессивті риторикамен ушыққаны соншалық, бір сәтте оны шеше салу мүмкін емес. Алайда бәрі де жағдайды өзгерту керектігін ұғынып отыр. Келіссөз жүргізудің Нормандтық немесе өзге де форматтарын кемшін демеймін. Біздің Елбасы жағдайдың бейбіт шешілуіне қатысты өз көзқарасын білдірді», – деді Дәурен Абаев «Ашық диалог» бағдарламасында.

Министр өз сөзінде қазақта «елдестірмек елшіден, жауластырмақ жаушыдан» деген сөзін еске салды.

«Бұл сөздің мәнін көпшілік түсінер деген ойдамын. Күні кеше халықаралық деңгейдегі абыройлы басылымдардың бірқатары Нұрсұлтан Назарбаевтың сөзін белсенді түрде жариялады. Путин мен Зеленскийді келіссөздер үстелінде кездестіру бастамасы кеше ғана ешкімнің ойына келмегенімен, бүгінгі күні сарапшылар мұндай қадамның оң және теріс жақтарын таразылай бастады. Ал мұның өзі өте жақсы белгі», – деді ол.

Жаңалықтарға жазылу: