Бородулиха ауданының прокуратурасы балалар орталығында тәрбиеленіп жатқандардың құқықтарының қорғалуына талдау жүргізді, деп жазады inbusiness.kz.
Нәтижесінде орталық басшысының тарапынан алимент өндіру бойынша шараларды қабылдамау дерегі анықталып отыр.
"Барлығы 30 млн теңгені құрайтын алимент төлемеудің 14 фактісі анықталды. Оның ішінде 5 дерек бойынша ҚР ҚК-нің 139-бабына сәйкес сотқа дейінгі тергеу амалдары басталды. Бүгінде 2 борышкер сотталды", - деп хабарлады облыстық прокуратура.
Бұдан бөлек балалар орталығының басшылығы жауапкершілікке тартылды.
Құзырлы органның мәліметінше, қазіргі таңда 1 млн теңгеден астам алимент берешегі өтелген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
