Абай облысында балабақшаға 9 млн теңге шығын келтірген әйел жауапқа тартылды, деп хабарлайды inbusiness.kz сайты Polisia.kz-ке сілтеме жасап.
Риддердің 33 жастағы тұрғыны балабақшада бухгалтер болып жұмыс істеген. Ол төлем шоттарында, балабақша табельдерінде және балабақшаның басқа да бухгалтерлік құжаттарында тіркеу бойынша екінші қолтаңба мен толық материалдық жауапкершілікті беруге құқылы екенін пайдалана отырып, ай сайын бюджет қаражатын үнемдеу арқылы, өзінің карточкалық шотына ақшалай соманы бір жыл ішінде аударып отырды.
"Мен пробация қызметінің есебінде өзім үшін тиісті қорытынды жасамағаныма қатты өкінемін, менің үш балам бар, ең кенжесі бір жарым жаста. Мен өзімнің қателігім үшін балам қалай жүріп, сөйлей бастағанын көрмейтініме өкінемін, мен балаларымды қатты сағындым", – деп бөлісті сотталған.
Сот оны кінәлі деп тауып, оған бес жылға бас бостандығынан айыру жазасын тағайындады, сонымен қатар өмір бойы мемлекеттік қызметте қызмет етуге тыйым салған. Бірақ сотталған адамның жүкті екенін ескеріп, жазасын өтеу кейінге қалдырылған болатын.
Шартты жазаны өтеу кезеңінде сотталған адам бірнеше рет құқық бұзушылықтарға жол берді, пробация қызметіне хабарламай тұрғылықты жерін ауыстырып отырды және пробация қызметіне тіркелу үшін келмеді, сондай-ақ кейінге қалдырудың барлық уақытында ол балабақшаға келтірілген материалдық залалды өтеу бойынша шаралар қабылдаған жоқ. Сондықтан жаза бес жыл мерзімге бас бостандығынан айыруға ауыстырылды.
"Жазасын өтеу үшін сотталған Абай облысының әйелдер колониясына келді, онымен тәрбиелік сипаттағы әңгімелер өткізіледі, карантин аяқталғаннан кейін ол тігін цехына жұмысқа орналасады, онда жалақының бір бөлігі талап қоюды өтеуге жұмсалады", – дейді арнайы бөлім бастығы Светлана Голикова.
