Белгісіз ер адам ұялы телефон мен SIM картаны сотталғандар жатқан колония аумағына лақтырмақ болған. Абай облысы бойынша ҚАЖД-ға қарасты №20 мекемесінің қызметкерлері тыйым салынған заттардың колония аумағына лақтыруына жол бермеді, деп жазады inbusiness.kz сайты polisia.kz-ке сілтеме жасап.
Тыйым салынған заттарды, скотчпен оралған ораманы лақтыруға тырысқан 50 жастағы Семей тұрғынынан телефон мен керек-жарақтар, атап айтқанда сымсыз және сымды құлаққаптар, қуаттандыру блогы және USB SIM картасының сымы табылып, тәркіленді.
Әңгіме барысында семейлік азамат бейтаныс адамдар осы заттарды лақтыруын өтінгенін мойындады.
"Қазіргі уақытта заң бұзушыға қатысты әкімшілік хаттамалар жасалды", – дейді жедел уәкіл Ерасыл Серікқан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
