Облыс орталығына кіреберісте 14 жүк көлігінен құралған колонна тоқтатылды, деп хабарлайды inbusiness.kz сайты Ішкі істер министрлігіне сілтеме жасап.
Далалы аймақтан келген жүргізушілердің айтуынша, көктайғақ қозғалысты айтарлықтай қиындатқан.
– Жол ауыр, қатты тайғақ. Қалбатау маңында тоқтап қала жаздадық, – дейді Бақтыдан Минск бағытына бет алған жүргізушілердің бірі.
Полиция қызметкерлері көлік жүргізушілеріне қозғалыс бағыттарын нақтылап, қолданыстағы шектеулер туралы түсіндіріп, жол-көлік оқиғаларының алдын алу мақсатында ауа райы түзелгенше жолға шықпай тұруға кеңес береді. Қызмет күшейтілген режимде атқарылуда: жол жағдайы бақылауда болғанымен, қауіп-қатер толық сейілген жоқ.
Полиция автокөлік жүргізушілерін мүмкіндігінше ұзақ сапарларға шықпауға және барлық қауіпсіздік шараларын қатаң сақтауға шақырады.
