Абай облысының мамандандырылған табиғат қорғау прокуратурасы Семей қаласы, сондай-ақ Бесқарағай, Бородулиха, Жаңасемей және Аягөз аудандарының аумағында рұқсатсыз қалдықтарды орналастырған 191 орынды анықтады, деп хабарлайды inbusiness.kz сайты.
Прокуратураның қадағалау актісі бойынша барлық рұқсатсыз қоқыс орындары жойылды.
"Жіберілген заңбұзушылықтар үшін тұрғын үй-коммуналдық шаруашылық бөлімдерінің басшылары, ауылдық округ әкімдері және Абай облысының табиғи ресурстар және табиғат пайдалануды реттеу басқармасының қызметкерлері қатарынан лауазымды тұлғалар тәртіптік және әкімшілік жауаптылыққа тартылды", – делінген прокуратура таратқан хабарламада.
Абай облысының мамандандырылған табиғат қорғау прокуратурасы аталған саладағы іс-шараларды жалғастырады.
