Қазақстан Республикасы Көлік министрлігінің Азаматтық авиация комитеті халықаралық бағыттар бойынша ұшу географиясын кеңейту бойынша тұрақты жұмыс жүргізіп жатыр. Бұл туралы inbusiness.kz сайты комитеттің баспасөз қызметіне сілтеме жасап жазады.
"Сонымен, келесі жылдың 16 қаңтарынан бастап "Wizz Air AbuDhabi" компаниясы Түркістан – Абу-Даби бағыты бойынша тұрақты рейстерді ашады. Ұшулар Airbus A321 ұшағымен аптасына 3 рейс жиілігімен орындалады деп жоспарлануда. Жаңа әуе бағыты бойынша, рейстерді іске қосу Түркістан тұрғындарына Абу-Даби қаласы арқылы транзитпен басқа бағыттар бойынша әрі қарай ұшу мүмкіндігін береді", - делінген хабарламада.
Комитеттің айтуы бойынша, жаңа халықаралық әуе бағытының ашылуы Қазақстан мен БАӘ арасындағы сауда-экономикалық, іскерлік, инвестициялық, туристік және мәдени ынтымақтастықты одан әрі дамытуға ықпал етеді.
